Post News Media ព័ត៌មានអន្តរជាតិ រយ:ពេល ២៤ ម៉ោ...

រយ:ពេល ២៤ ម៉ោង កងកម្លាំងអាហ្វហ្គានីស្ថាន ផ្ដាច់ជីវិតក្រុមបះបោរ ៧៧ នាក់

ចែកចាយបន្ត

អាហ្វហ្គានីស្ថាន: ក្រសួងការពារជាតិរបស់ប្រទេស បាននិយាយនៅក្នុងសេចក្តីថ្លែងការណ៍មួយ នៅថ្ងៃសៅរ៍នេះថា ពួកសកម្មប្រយុទ្ធរហូតដល់ ៧៧ នាក់ ត្រូវបានសម្លាប់ និង ២៧ នាក់ទៀតរងរបួស ក្នុងអំឡុងពេលប្រតិបត្តិការបោសសម្អាត ក្រុមបះបោរជាបន្តបន្ទាប់ នៅទូទាំងប្រទេសរយ:ពេល ២៤ ម៉ោង។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី១៥ ខែកក្កដា ឆ្នាំ២០១៧។

នៅក្នុងសេចក្តីថ្លែងការណ៍ដដែរ បានបន្ថែមថា កងកម្លាំងអាហ្វហ្គានីស្ថាន ដែលគាំទ្រដោយយន្ដហោះពីលើអាកាស បានបើកប្រតិបត្តិការជាបន្តបន្ទាប់ នៅតាមបណ្ដាលខេត្តផ្សេងៗ ទូទាំងប្រទេសចំនួន ១៧ ទីតាំងរបស់រដ្ឋអ៊ីស្លាម (IS) ដោយចាប់ពួកសកម្មប្រយុទ្ធបាន ០៧ នាក់។

អភិបាលខេត្ត លោក Mohammad Anwar Eshaqzai បានបញ្ជាក់ថា ពួកសកម្មប្រយុទ្ធតាលី ក៏បានបើកការវាយប្រហារដូចគ្នានេះផងដែរ នៅឯប៉ុស្តិ៍ត្រួតត្រាកងទ័ពអាហ្វហ្គានីស្ថាន ក្នុងស្រុក Ab Kamary ភាគខាងលិចខេត្ត Badghis នៅព្រឹកថ្ងៃសៅរ៍នេះ និងបានចាប់ខ្លួនទាហាន ០៨នាក់ទៀតផង៕