Post News Media ព័ត៌មានអន្តរជាតិ ទឹកជំនន់នៅចិន...

ទឹកជំនន់នៅចិន សម្លាប់មនុស្ស ១៨ នាក់ និង ១៨ នាក់ទៀត កំពុងបាត់ខ្លួន

ចែកចាយបន្ត

ចិន: អាជ្ញាធរមូលដ្ឋាន នៅថ្ងៃច័ន្ទនេះ បាននិយាយថា គ្រោះទឹកជំនន់ បានវាយប្រហារនៅភាគឦសានទីក្រុងនៃខេត្តស៊ីលីន ប្រទេសចិន បានសម្លាប់មនុស្ស ១៨ នាក់ ខណ:ដែល ១៨ នាក់ទៀត កំពុងបាត់ខ្លួន។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី១៧ ខែកក្កដា ឆ្នាំ២០១៧។

ភ្លៀងធ្លាក់យ៉ាងខ្លាំង នៅផ្នែកភាគកណ្ដាល និងខាងកើតខេត្តស៊ីលីន កាលពីថ្ងៃព្រហស្បតិ៍ បន្តរហូតដល់ថ្ងៃសុក្រ បានបណ្ដាលឲ្យមានទឹកជន់លិច នៅក្នុងខេត្ត។

ការិយាល័យគ្រប់គ្រងគ្រោះទឹកជំនន់ និងរាំងស្ងួតក្នុងប្រទេស បានឲ្យដឹងថា ទីក្រុងរបស់ខេត្តស៊ីលីន ត្រូវបានជន់លិចយ៉ាងខ្លាំង ហើយប្រជាជនប្រមាណជាង ១១០.០០០ នាក់ ត្រូវបានជម្លៀសខ្លួនចេញ។

គួរបញ្ជាក់ដែរថា ក្រុមរុករក និងជួយសង្គ្រោះចំនួន ៣២.៣៦០ នាក់ ត្រូវបានគេដាក់ពង្រាយនៅទីនោះ ដើម្បីរុះរើថ្ម និងកម្ទេចបាក់បែកចេញ ព្រមទាំងជួសជុលស្ពាន និងតភ្ជាប់បណ្តាញទូរគមនាគមន៍ និងអគ្គីសនី ជូនប្រជាជននៅក្នុងតំបន់ឡើងវិញ៕