ថៃៈ សាកសពកូនខ្លាចំនួន ៤០ក្បាល ដែលគេធ្វើឲ្យកក ត្រូវបានប្រទះឃើញ នៅចង្ក្រានបាយនៅប្រាសាទខ្លា ឬហៅវត្ត Pha Luang Ta Bua Yanasampanno នៃខេត្តកាចានៈបុរី ប្រទេសថៃ អំទ្បុងពេលដែលមន្ត្រីនគរបាល និងមន្ត្រីសត្វព្រៃចូលចុះឆែកឆេរ ដោយសង្ស័យវត្តនេះថា ជាកន្លែងជួញដូរសត្វព្រៃ។ នេះបើយោងតាមរយៈ សារព័ត៌មាន BBC ចេញផ្សាយមុននេះបន្តិច នៅល្ងាចថ្ងៃទី១ ខែមិថុនា ឆ្នាំ២០១៦៕
វត្តនេះ ត្រូវបានគេដឹងថា ជាគោលដៅទេសចរណ៏ដ៏ធំមួយ ក្នុងប្រទេសថៃ ដែលភ្ញៀវទេសចរអាចទៅថតរូបជាមួយសត្វខ្លាបាន៕