Post News Media ព័ត៌មានអន្តរជាតិ លោក ត្រាំ និយ...

លោក ត្រាំ និយាយថា កិច្ចចរចារជាមួយកូរ៉េខាងជើង គឺជាការខ្ជះខ្ជាយពេលវេលា

ចែកចាយបន្ត

អាមេរិក: ប្រធានាធិបតីអាមេរិកលោក ដូណាល់ ត្រាំ បានប្រាប់ទៅរដ្ឋមន្ត្រីការបរទេសខ្លួនថា ជាការខ្ជះខ្ជាយពេលវេលាឥតប្រយោជន៍ ក្នុងការធ្វើកិច្ចចរចាជាមួយកូរ៉េខាងជើង អំពីកម្មវិធីនុយក្លេអ៊ែររបស់របបមួយកុម្មុយនិស្ដនេះ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី០២ ខែតុលា ឆ្នាំ២០១៧។

ការថ្លែងរបស់លោក ត្រាំ បានធ្វើទ្បើងបន្ទាប់ពីរដ្ឋមន្ត្រីការបរទេស លោក Rex Tillerson បាននិយាយកាលពីថ្ងៃសៅរ៍ថា រដ្ឋបាលខ្លួនកំពុងស្ថិត​ក្នុង​ការទាក់ទងគ្នាដោយផ្ទាល់ ជាមួយរដ្ឋាភិបាលក្រុងព្យុងយ៉ាង ថាតើពួកគេមានបំណងចង់ពិភាក្សាអំពីការលុបបំបាត់កម្មវិធីអាវុធនុយក្លេអ៊ែររបស់ខ្លួន ដែរឬយ៉ាងណា ខណ:លោក ត្រាំ បានបញ្ជាក់ទៅលោក Rex ថា «រក្សាទុកកម្លាំងរបស់អ្នក ដោយឈប់គិចពីវា ហើយយើងនឹងធ្វើអ្វីដែលត្រូវធ្វើ!»។

សូ​មជំរាបថា ភាពតានតឹងនៅលើឧបទ្វីបកូរ៉េ កាន់តែខ្លាំងទ្បើង បន្ទាប់ពីមានសង្គ្រាមវោហាសាស្ត្រដ៏ក្តៅគគុក ក្នុងរយ:ប៉ុន្មានខែថ្មីៗនេះ រវាងមហាអំណាច និងមេដឹកនាំកូរ៉េខាងជើង ជាមួយការគំរាមគំហែង និងឌឺដងឲ្យគ្នាទៅវិញទៅមក៕