Post News Media ព័ត៌មានអន្តរជាតិ ការប្រយុទ្ធគ្...

ការប្រយុទ្ធគ្នានៅអាហ្វហ្គានីស្ថាន ស្លាប់ និងរបួស ៦២ នាក់

ចែកចាយបន្ត

អាហ្វហ្គានីស្ថាន: អភិបាលស្រុកលោក Mahboubullah Sayedi បាននិយាយថា ពួកសកម្មប្រយុទ្ធតាលីបង់ចំនួន ៣៥ នាក់ ត្រូវបានសម្លាប់ ខណ:ដែល២៧ នាក់ទៀតរងរបួស បន្ទាន់ពីការប៉ះទង្គិចរវាងកងកម្លាំងរដ្ឋាភិបាល និងពួកឧទ្ទាមតាលីបង់ ដែលបានឈានចូលដល់ថ្ងៃទីបី សម្រាប់ថ្ងៃច័ន្ទសប្ដាហ៍នេះ នៅស្រុក Imam Sahib ភាគខាងជើងខេត្ត Kunduz ។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី០២ ខែតុលា ឆ្នាំ២០១៧។

មន្ត្រីរដ្ឋាភិបាល បានឲ្យដឹងថា ប្រតិបត្តិការបោសសម្អាតពួកឧទ្ទាមតាលីបង់ បានចាប់ផ្តើមនៅក្នុងស្រុក Imam Sahib កាលពីថ្ងៃសៅរ៍ ដោយរហូតមកទល់ពេលនេះ កងទ័ពរដ្ឋាភិបាល បានវាយរំដោះភូមិមួយចំនួនពីការគ្រប់គ្រងរបស់ពួកនោះ។

ពាក់ព័ន្ធនឹងបញ្ហានេះដែរ ពួកសកម្មប្រយុទ្ធតាលីបង់ ដែលគ្រប់គ្រងនៅផ្នែកខ្លះនៃខេត្ត Kunduz នៅមិនទាន់បានចេញសេចក្ដីថ្លែងការណ៍យ៉ាងណានោះទេ៕