Post News Media ព័ត៌មានអន្តរជាតិ លោក ត្រាំ ជាម...

លោក ត្រាំ ជាមួយនាយករដ្ឋមន្ត្រីជប៉ុន នឹងធ្វើកិច្ចចរចាគ្នា តាមទូរស័ព្ទ នៅថ្ងៃពុធនេះ

ចែកចាយបន្ត

ជប៉ុន: ប្រភពពីរដ្ឋាភិបាលជប៉ុន បាននិយាយថា នាយករដ្ឋមន្ត្រីជប៉ុន លោក ស៊ីន ហ្សូអាបេ នឹងធ្វើកិច្ចចរចាតាមទូរស័ព្ទ ជាមួយប្រធានាធិបតីអាមេរិក លោក ដូណាល់ ត្រាំ នៅថ្ងៃពុធនេះ ដើម្បីបង្ហាញពីការចូលរួមមរណ:ទុក្ខរបស់លោក បន្ទាប់ពីហេតុការណ៍ បាញ់ប្រហារដ៏សាហាវមួយ នៅទីក្រុងឡាសវេហ្គាស របស់សហរដ្ឋអាមេរិក ហើយក្នុងនោះក៏មានការពិភាក្សាគ្នា អំពីកម្មវិធីអាវុធរបស់កូរ៉េខាងជើងផងដែរ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី០៤ ខែតុលា ឆ្នាំ២០១៧។

សូមជំរាបថា ភាពតានតឹងនៅលើឧបទ្វីបកូរ៉េ បានកើនឡើងចាប់តាំងពីកូរ៉េខាងជើង បានបាញ់សាកល្បងអាវុធនុយក្លេអ៊ែរលើកទី៦ ដ៏មានសក្ដានុពលបំផុតរបស់ខ្លួន កាលពីថ្ងៃទី ៣ ខែកញ្ញាកន្លងទៅ ដែលនាំឲ្យមានការដាក់ទណ្ឌកម្មថ្មី ពីសំណាក់អង្គការសហប្រជាជាតិ៕