Post News Media ព័ត៌មានអន្តរជាតិ អាមេរិក និងហ្...

អាមេរិក និងហ្វីលីពីន យល់ព្រមបង្កើនសកម្មភាពយោធារួមគ្នាបន្ថែមទៀត នៅឆ្នាំក្រោយ

ចែកចាយបន្ត

ហ្វីលីពីន: ប្រធានក្រុមប្រឹក្សាសន្តិសុខជាតិហ្វីលីពីន នៅថ្ងៃព្រហស្បតិ៍នេះ បានឲ្យដឹងថា រដ្ឋាភិបាលក្រុងវ៉ាស៊ីនតោន និងក្រុងម៉ានីល បានព្រមព្រៀងគ្នាបង្កើនសកម្មភាពយោធារួមគ្នាចំនួន ២៦១ លើកបន្ថែមទៀត នៅឆ្នាំក្រោយ ខណ:ដែលរដ្ឋាភិបាលហ្វីលីពីន កំពុងបន្តទំនាក់ទំនងដ៏កក់ក្តៅ ជាមួយសម្ព័ន្ធមិត្តរបស់ខ្លួន។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី០៥ ខែតុលា ឆ្នាំ២០១៧។

លោក​ឧ​ត្ត​ម​សេនីយ៍​ឯក EDUARDO M. ANO មេបញ្ជាការ​កងទ័ពជើងគោកហ្វីលីពីន បានប្រាប់ពួកអ្នកយកព័ត៌មានថា អាមេរិក និងហ្វីលីពីន បានទទួលស្គាល់ពីសារ:សំខាន់នៃសកម្មភាពយោធារួមគ្នា ក្នុងការទប់ស្កាត់នឹងការគំរាមកំហែងផ្នែកសន្តិសុខ ដែលកំពុងប្រឈមក្នុងតំបន់ រួមមានទាំងអំពើភេរវកម្មផងដែរ។

ក្នុងនោះលោកបានបន្ថែមថា សមយុទ្ធរួមគ្នានេះ នឹងត្រូវទ្បើងនៅឆ្នាំ ២០១៨ ខាងមុខ ដោយផ្តោតទៅលើការប្រឆាំងអំពើភេរវកម្ម ការការពារដែនដី រួមទាំងការឆ្លើយតបនឹងគ្រោះមហន្តរាយ៕