Post News Media ព័ត៌មានអន្តរជាតិ ធ្លាក់ឧទ្ធម្ភ...

ធ្លាក់ឧទ្ធម្ភាគចក្រយោធាឥណ្ឌា នៅជិតព្រំដែនចិន ស្លាប់មនុស្ស ០៧ នាក់

ចែកចាយបន្ត

ឥណ្ឌា: ក្រុមមន្ត្រីក្នុងប្រទេស នៅថ្ងៃសុក្រនេះ បានឲ្យដឹងថា ឧទ្ធម្ភាគចក្រកងទ័ពអាកាសឥណ្ឌាមួយគ្រឿង បានធ្លាក់ក្នុងតំបន់ដាច់ស្រយាលមួយ នៅជិតព្រំដែនប្រទេសចិន ដោយបានសម្លាប់មនុស្សអស់ ០៧ នាក់។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី០៦ ខែតុលា ឆ្នាំ២០១៧។

លោក Suneet Newton អ្នកនាំពាក្យ​ក្រសួង​ការពារជាតិ​ឥណ្ឌា បាននិយាយថា ឧទ្ធម្ភាគចក្រដែលធ្លាក់នោះ គឺជាប្រភេទ Mi-17 ផលិតដោយប្រទេសរុស្ស៊ី ដែលវាបានដឹកក្រុមមន្ត្រីយោធាចំនួន ០៧នាក់ ឆ្ពោះទៅកាន់មូលដ្ឋាន​បោះជំរំមួយកន្លែង នៅភាគឦសានរដ្ឋ​ Arunachal Predesh​ ។

សូមជំរាបថា មូលហេតុនៃការធ្លាក់នេះ ខាងអាជ្ញាធរគឺមិនទាន់អាចបញ្ជាក់ឲ្យដឹងភ្លាមៗនៅទ្បើយទេ ដោយកំពុងស្ថិតក្រោមការស៊ើបអង្គេត៕