Post News Media ព័ត៌មានអន្តរជាតិ នាវាចម្បាំងអា...

នាវាចម្បាំងអាមេរិក ឆ្ពោះទៅដល់ឧបទ្វីបកូរ៉េ ដើម្បីធ្វើសមយុទ្ធដ៏ខ្លាំងក្លាជាមួយកូរ៉េខាងត្បូង

ចែកចាយបន្ត

អាមេរិក: នាវាផ្ទុកយន្តហោះ USS Ronald Reagan បំពាក់ដោយគ្រាប់មីស៊ីល និងនាវាមុជទឹកនុយក្លេអ៊ែរ បានធ្វើដំណើរឆ្ពោះមកកាន់ឧបទ្វីបកូរ៉េ ដើម្បីរៀបចំធ្វើសង្រ្គាមដ៏មានសក្តានុពល ប្រឆាំងជាមួយកូរ៉េខាងជើង ខណ:ដែលរបបមួយនេះ កំពុងរៀបចំផែនការសាកល្បងមីស៊ីលថ្មីមួយទៀត។ នេះបើយោងតាមសារព័ត៌មាន RT ចេញផ្សាយនៅថ្ងៃទី០៧ ខែតុលា ឆ្នាំ២០១៧។

កាលពីរសៀលថ្ងៃសុក្រ នាវា USS Ronald Reagan របស់អាមេរិក ដែលមានផ្ទុកយន្តហោះជិត ៨០ គ្រឿង បានធ្វើដំណើរមកកាន់ឆ្នេរសមុទ្រកូរ៉េខាងត្បូង ដែលជាសម្ព័ន្ធមិត្តខ្លួន។

ពាក់ព័ន្ធនឹងបញ្ហានេះ ទីភ្នាក់ងារព័ត៌មាន Yonhap បានដកស្រង់សម្តីមន្ត្រីកូរ៉េខាងត្បូងម្នាក់ ដែលសុំមិនបញ្ចេញឈ្មោះ បានឲ្យដឹងថា សម្ព័ន្ធមិត្តទាំងពីរ (អាមេរិក-កូរ៉េខាងត្បូង) នឹងធ្វើសមយុទ្ធរួមគ្នា ដើម្បីតាមដាន ក៏ដូចជាប្រឆាំងនិងការបាញ់មីស៊ីលផ្លោងបន្ថែម ពីសំណាក់កូរ៉េខាងជើង ដែលសមយុទ្ធយោធានេះ ទំនងជានឹងធ្វើឡើងនៅថ្ងៃទី ២០ ខែតុលាខាងមុខ។

សូមជំរាបថា សមយុទ្ធនេះ គឺរៀបចំទ្បើងដោយកងយោធាអាមេរិក ដើម្បីការពារសម្ព័ន្ធមិត្តរបស់ខ្លួន ក៏ដូចជាថែរក្សាស្ថេរភាពនៅក្នុងតំបន់ផងដែរ៕