Post News Media ព័ត៌មានអន្តរជាតិ Update៖ ភ្លើង...

Update៖ ភ្លើងឆេះព្រៃនៅរដ្ឋកាលីហ្វញ៉ា មនុស្សស្លាប់កើនទ្បើងដល់ ១៥ នាក់ហើយ ខណ:បាត់ខ្លួនជាង ២០០ នាក់

ចែកចាយបន្ត

អាមេរិក: ចំនួនអ្នកស្លាប់ដោយសារភ្លើងឆេះព្រៃ នៅភាគខាងជើងនៅរដ្ឋកាលីហ្វញ៉ា បានកើនឡើងដល់ ១៥ នាក់ហើយ ខណ:ដែលកាលពីថ្ងៃអង្គារមានអ្នករបួសជាច្រើននាក់ ត្រូវបានគេអះអាងនៅតំបន់ជាច្រើន ជិតទីក្រុងសានហ្វ្រានស៊ីស្កូ ភាគខាងលិចរដ្ឋកាលីហ្វញ៉ា។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី១១ ខែតុលា ឆ្នាំ២០១៧។

ក្រុមមន្ត្រីក្នុងរដ្ឋ បាននិយាយថា មនុស្សជាង ២០០ នាក់ ត្រូវបានគេរាយការណ៍ថា បានបាត់ខ្លួននៅក្នុងតំបន់ Sonoma ខណ:ដែល ៤៥ នាក់ក្នុងចំណោមអ្នកទាំងនោះ ត្រូវបានគេរកឃើញ។

អគ្គិភ័យនេះ បានបំផ្លាញហេដ្ឋារចនាសម្ព័ន្ធជាច្រើន ក្នុងនោះរួមបញ្ចូលទាំងកន្លែងធ្វើជំនួញ មន្ទីរពេទ្យ និងលំនៅដ្ឋាន ត្រូវបានឆេះខ្ទេចដោយអណ្តាតភ្លើងផងដែរ។

សូមជំរាបថា មនុស្សជាង ៣ ពាន់នាក់ កំពុងស្ថិតនៅក្នុងជម្រកបណ្ដោះអាសន្ន បន្ទាប់ពីហេតុការណ៍ភ្លើងឆេះព្រៃ បានបំផ្លាញនៅតំបន់ចំនួន ១៧ កន្លែងលើផ្ទៃដីចំនួន ១១៥.០០០ ហិចតា នៅទូទាំងរដ្ឋកាលីហ្វញ៉ា៕