Post News Media ព័ត៌មានអន្តរជាតិ ចិន និងអាស៊ាន...

ចិន និងអាស៊ានធ្វើសមយុទ្ធកងទ័ពជើងទឹករួមគ្នា ខណ:ភាពតានតឹងរវាងគ្នា ត្រូវបានធូរស្បើយ

ចែកចាយបន្ត

ចិន: នៅក្នុងសកម្មភាពបង្ហាញពីភាពស្ងប់ស្ងាត់ បន្ទាប់ពីមានភាពតានតឹងដាក់គ្នា នៅសមុទ្រចិនខាងត្បូង រដ្ឋាភិបាលក្រុងប៉េកាំង និងសមាជិកនៃសមាគមប្រជាជាតិអាស៊ីអាគ្នេយ៍ (ASEAN) បានធ្វើសមយុទ្ធជួយសង្គ្រោះតាមដែនសមុទ្រ រួមគ្នាដ៏ធំបំផុតមួយ មិនធ្លាប់មានពីមុនមក។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី០១ ខែវិច្ឆកា ឆ្នាំ២០១៧។

សមយុទ្ធនេះ បានធ្វើទ្បើងកាលពីថ្ងៃអង្គារ ដោយមាននាវាដឹកអ្នកដំណើរចិន និងនាវាដឹកទំនិញកម្ពុជា នៅខេត្តក្វាងទុងភាគខាងត្បូងប្រទេសចិន។

តាមរបាយការណ៍ប្រព័ន្ធផ្សព្វផ្សាយរបស់ចិន កាលពីល្ងាចថ្ងៃអង្គារ បានឲ្យដឹងថា សមយុទ្ធនេះ មានការចូលរួមពីក្រុមអ្នកជួយសង្គ្រោះប្រហែល ១,០០០ នាក់ នៅលើនាវា ២០ គ្រឿង និងឧទ្ធម្ភាគចក្រចំនួន ៣ គ្រឿង។

សូមជំរាបថា សមយុទ្ធនេះ ត្រូវបានចូលរួមពីប្រទេសចិន ថៃ ហ្វីលីពីន កម្ពុជា មីយ៉ាន់ម៉ា ឡាវ និងប្រ៊ុយណេ លើកលែងតែប្រទេសវៀតណាម ប៉ុណ្ណោះដែលអវត្តមាន៕

ចែកចាយបន្ត