ជប៉ុនៈ​ យោងតាមការអង្កេតទីតាំងភូមិសាស្ត្ររបស់អាមេរិក (USGS) នៅថ្ងៃច័ន្ទនេះ បានឲ្យដឹងថា ករណីរញ្ជួយដីមួយកម្រិត ៥,៨ រ៉ិចទ័រ បានវាយប្រហារនៅឆ្នេរសមុទ្រភាគខាងជើងប្រទេសជប៉ុន ដែលបានកើតទ្បើងនៅវេលាម៉ោង ៦ និង២៤ នាទីព្រឹក (ម៉ោងនៅសិង្ហបុរី)។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១៣ ខែវិច្ឆិកា ឆ្នាំ២០១៧។

រញ្ជួយដីនេះ បានចាប់ផ្ដើមវាយប្រហារដំបូងក្នុងកម្រិត ៦,១ រ៉ិចទ័រ ប៉ុន្តែក្រោយមកនៅត្រឹមកម្រិត ៥,៨ រ៉ិចទ័រ ដោយវាបានបោកបក់ចម្ងាយ ២៩៤ គីឡូម៉ែត្រ ពីភាគអាគ្នេយ៍នៃទីក្រុង Kamaishi ជាមួយនឹងជម្រៅ ៩,៥ គីឡូម៉ែត្រ។

ទីភ្នាក់ងារឧតុនិយមជប៉ុន បាននិយាយថា រញ្ជួយដីនេះ មិនបង្កឲ្យមានការខូចខាត ឬរងរបួសនោះទេ៕