Post News Media ព័ត៌មានអន្តរជាតិ កូរ៉េខាងជើង ន...

កូរ៉េខាងជើង នឹងបញ្ជូនគណ:ប្រតិភូទៅចូលរួមក្នុងកីឡាអូឡាំពិក

ចែកចាយបន្ត

កូរ៉េ: រដ្ឋាភិបាលក្រុងព្យុងយ៉ាង នឹងបញ្ជូនគណ:ប្រតិភូទៅចូលរួមការប្រកួតកីឡាអូឡាំពិករដូវរងាឆ្នាំ ២០១៨ ដែលនឹងប្រព្រឹត្តទៅនៅកូរ៉េខាងត្បូងនាខែកុម្ភ:ខាងមុខ។ នេះបើយោងតាមសារ BBC ចេញផ្សាយនៅថ្ងៃទី៩ ខែមករា ឆ្នាំ២០១៨។

រដ្ឋាភិបាលកូរ៉េខាងជើង បានលើកទ្បើងថា គណ:ប្រតិភូរបស់ខ្លួន នឹងចូលរួមសម្រាប់ព្រឹត្តការណ៍ខាងមុខ ដោយក្នុងនោះក៏រួមមានទាំងអត្តពលិក និងអ្នកគាំទ្រជាច្រើន ក្នុងចំណោមនោះផងដែរ។

ការប្រកាសដ៏សំខាន់នេះ បានកើតឡើងបន្ទាប់ពីប្រទេសទាំងពីរ បានជួបគ្នាសម្រាប់កិច្ចចរចាកម្រិតខ្ពស់ដំបូងរបស់ពួកគេ ដែលមិនធ្លាប់មានក្នុងរយ:ពេលជាង ២ឆ្នាំកន្លងមក។

ពាក់ព័ន្ធនឹងបញ្ហានេះ ប្រទេសកូរ៉េខាងត្បូង បាននិយាយថា ពួកគេនឹងធ្វើឲ្យការចរចារនេះ ក្លាយទៅជាការលើកកម្ពស់ ក៏ដូចជាកែលម្អទំនាក់ទំនងអន្តរកូរ៉េ៕

ចែកចាយបន្ត