Post News Media ព័ត៌មានអន្តរជាតិ Update៖ មនុស្...

Update៖ មនុស្សស្លាប់កើនដល់ ១៧ នាក់ និងរបួស ២៥ នាក់ បន្ទាប់ពីគ្រោះរអិលបាក់ដី នៅរដ្ឋកាលីហ្វញ៉ា

ចែកចាយបន្ត

អាមេរិក: ប៉ូលិសមូលដ្ឋាន កាលពីថ្ងៃពុធបាននិយាយថា ចំនួនអ្នកស្លាប់ដោយសារការរអិលបាក់ដី នៅរដ្ឋកាលីហ្វ័រនីញ៉ា បានកើនឡើងដល់ ១៧ នាក់ហើយ បន្ទាប់ពីសាកសពពីរបន្ថែមទៀត ត្រូវបានរកឃើញ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១ ខែមករា ឆ្នាំ២០១៧។

លោក Sheriff Bill Brown តម្រួត​ស្រុក Santa Barbara County បាននិយាយថា មនុស្ស ១៣ នាក់ផ្សេងទៀត នៅតែបន្តបាត់ខ្លួន ខណ:ដែលផ្ទះចំនួន ១០០ ខ្នង ត្រូវបានបំផ្លាញ នៅក្នុងហេតុការណ៍នេះ។

សូមជំរាបថា ព្យុះភ្លៀងយ៉ាងខ្លាំង បានបណ្តាលឲ្យទឹកជំនន់ហូរទន្លេជាច្រើន រួមទាំងនាំកម្ទេចកំទីចេញពីភ្នំ ទៅកាន់សហគមន៍ Montecito ក្នុងតំបន់ Santa Barbara ។

អ្នកនាំពាក្យរបស់នាយកដ្ឋានស្រុក បាននិយាយថា យ៉ាងហោចណាស់មនុស្សចំនួន ២៥ នាក់បានរងរបួស ខណ:ដែលការដឹកជញ្ជូនផ្លូវអាកាស សម្រាប់ប្រជាជនរាប់សិបនាក់ ដែលរងផលប៉ះពាល់ប្រហែល ៥០ ជើង ចេញពីទីតាំងនោះ៕

ចែកចាយបន្ត