Post News Media ព័ត៌មានអន្តរជាតិ ជប៉ុន​ ចង់ស្ដ...

ជប៉ុន​ ចង់ស្ដារទំនាក់ទំនង ជាមួយកូរ៉េខាងត្បូង តាមរយ:កិច្ច​ព្រម​ព្រៀង​សង​ជំងឺ​ចិត្ត​​ស្ត្រីកំដរអារម្មណ៍

ចែកចាយបន្ត

ជប៉ុន: នៅក្នុងពិធីបើក​ការ​ប្រកួតកីឡា​អូឡាំពិក​រដូវ​រងា​ កាលពីថ្ងៃសុក្រ នៅទីក្រុងព្យូង​ឆាង ប្រធានាធិបតី​កូរ៉េខាង​ត្បូង​លោក​ មូន ជែអ៊ីន​ បានជួបពិភាក្សា​គ្នា ជាមួយនាយករដ្ឋ​មន្ត្រី​ជប៉ុន​ លោក ស៊ីន ហ្សូអាបេ ដោយមេដឹកនាំទាំងពីរ បានលើកទ្បើងពី​កិច្ច​ព្រម​ព្រៀងសង​ជំងឺ​ចិត្ត​ស្ត្រីកំដរ​អារម្មណ៍ ដែល​ទទួល​រង​ភាពអយុត្តិធម៌ ​នៅ​អំឡុង​សង្គ្រាម​លោក​លើក​ទី២។ នេះបើយោងតាមសារព័ត៌មាន CNN ចេញផ្សាយនៅថ្ងៃទី១០ ខែកុម្ភ: ឆ្នាំ២០១៨។

លោក​ មូន បាន​ប្រាប់​ទៅ​លោក ​អាបេ ថា​ លោក​ជឿជាក់ថា ប្រទេស​ទាំង​ពីរ នឹង​ក្លាយ​ជា​មិត្ត​ដ៏ពិតប្រាកដ​ជា​មួយ​គ្នា សម្រាប់​កិច្ចសហ​ប្រតិបត្តិការ ​ទៅ​ថ្ងៃ​អនាគត ខណ:​ដែលរូបលោក កំពុងតែ​ពិនិត្យ​មើលអតីតកាលដ៏ជូរចត់ ​​ដែល​បាន​កើត​ឡើង​កន្លងមក​»។

ដោយលោក បានរំឭកទៅរដ្ឋាភិបាលជប៉ុន អំពីកិច្ច​ព្រម​ព្រៀង​សង​ជំងឺចិត្ត​ដល់​​ស្ត្រី​អាស៊ី​ជាង​២សែន​នាក់​ ដែល​ត្រូវ​បាន​បង្ខំ​ឲ្យ​ធ្វើ​ជា​ស្ត្រី​បម្រើ​ផ្លូវភេទ​ សម្រាប់​ពួក​ទាហាន​ជប៉ុន​ ក្នុង​អំឡុងពេល​សង្គ្រាម​លោក​លើក​ទី២។

កិច្ច​ព្រម​ព្រៀង​នេះ​ មាន​រួម​បញ្ជូល​ទាំង​សេចក្តី​ថ្លែងការណ៍​របស់​នាយករដ្ឋមន្ត្រី​ជប៉ុនលោក ​អាបេ និយាយ ​«សុំទោស​ ជាមួយ​វិប្បដិសារី​ដ៏​សែន​ឈឺ​ចាប់​ទាំង​នេះ ​និងបានផ្ដល់ប្រាក់ឧបត្តម្ភ​​ចំនួន​៨លាន​ដុល្លារ​ ជា​មូលនិធិ​សម្រាប់​ជួយជនរងគ្រោះ​៕

ចែកចាយបន្ត