បរទេសៈ ប្រទេស កូរ៉េខាងជើង បាននាំចូលអង្ករក្នុងបរិមាណធំធេងបំផុតពីប្រទេសចិន កាលពីខែកញ្ញា ចាប់តាំងពីប្រធានាធិបតី គីម ជុងអ៊ុន ចូលកាន់តំណែងនៅឆ្នាំ២០១១។ នេះបើតាមប្រព័ន្ធផ្សព្វផ្សាយសហរដ្ឋអាមេរិក បានចេញផ្សាយ។

យោងតាមសារព័ត៌មាន Koreatimes ចេញផ្សាយនៅថ្ងៃទី០៣ ខែវិច្ឆិកា ឆ្នាំ២០១៦ បានឲ្យដឹងថា កូរ៉េខាងជើង នាំចូលអង្ករចំនួន ១៨.៤៧៧តោន និងគ្រាប់ធញ្ញជាតិផ្សេងទៀតកាលពីខែកញ្ញា។ នេះបើតាមវិទ្យុផ្សាយសំឡេងសហរដ្ឋអាមេរិក (VOA) ផ្អែកតាមការលើកឡើងរបស់លោក Kwon Tae-jin អគ្គរដ្ឋបាលគយរបស់ចិន និងជាប្រធានផ្នែកស្រាវជ្រាវ នៅវិទ្យាស្ថាន ក្នុងប្រទេសកូរ៉េខាងត្បូង ប្រចាំតំបន់East Asia។

ការផ្សាយនោះបានឲ្យដឹងទៀតថា នៅក្នុងខែកញ្ញា ការនាំចូលគឺមានប្រហេល ២,៧ដង ខ្ពស់ជាងខែតុលា ដែលមានចំនួនតែ ៦.៩៥៤តោនប៉ុណ្ណោះ និងខ្ពស់ជាង ៦ដង ដែលមានចំនួនតែ ៣.១៥៨តោន បើធៀបកាលពីខែកញ្ញា ឆ្នាំ២០១៥៕