Post News Media ព័ត៌មានអន្តរជាតិ មេដឹកនាំកំពូល...

មេដឹកនាំកំពូលកូរ៉េខាងជើង ចង់បង្វឹកកងកាំភ្លើងធំស្ត្រី ឲ្យក្លាយជាអ្នកប្រយុទ្ធខ្លាំងលើសគេក្នុងសង្គ្រាម

ចែកចាយបន្ត

ព្យុងយ៉ាង: មេដឹកនាំកំពូលរបស់កុម្មុយនីស្តកូរ៉េខាងជើង លោក គីម ជុងអ៊ុន បានសង្កត់ធ្ងន់ក្នុងពេលដែលដឹកនាំការប្រកួតបាញ់កាំភ្លើងធំផ្នែកស្ត្រីថា លោកចាំបាច់ត្រូវតែបង្វឹកក្រុមកាំភ្លើងធំស្ត្រី ឲ្យក្លាយជាអ្នកប្រយុទ្ធខ្លាំងលើសគេ ក្នុងស្មារតីបដិវត្តន៍ ដើម្បីជួយពួកគេឲ្យធ្វើការចែករំលែកក្នុងសង្គ្រាមដ៏ធំធេងសម្រាប់ការបង្រួបបង្រួមជាតិ។

ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី១៩ ខែវិច្ឆិកា ឆ្នាំ២០១៦ បានឲ្យដឹងថា លោក គីម ជុងអ៊ុន បានដឹកនាំដោយផ្ទាល់ក្នុងការប្រកួតបាញ់កាំភ្លើងធំស្ត្រី ហើយគោលបំណងនៃការប្រកួតនោះគឺដើម្បីប៉ាន់ប្រមាណ និងបញ្ជាក់អំពីសមត្ថភាពការប្រយុទ្ធរបស់ក្រុមកាំភ្លើងធំស្ត្រី ដើម្បីប្រឆាំងនឹងកងកម្លាំងផ្នែកឧទ្ធម្ភាគចក្ររបស់សត្រូវ។

បើតាមសារព័ត៌មានរដ្ឋកូរ៉េខាងជើង KCNA បានផ្សាយឲ្យដឹងថា ក្រុមកងកាំភ្លើងធំស្ត្រីទាំងនោះ គឺបានបង្ហាញសមត្ថភាពប៉ិនប្រសព្វនៃសមត្ថភាពយ៉ាងពេញលេញ គឺបាញ់ចេញមិនដែលខុសគោលដៅឡើយ នៅក្នុងការប្រកួតនោះ៕

g-cvr-130326-nkorea2-430a-photoblog900

listing-large