Post News Media ព័ត៌មានអន្តរជាតិ រុស្ស៊ីទាមទារ...

រុស្ស៊ីទាមទារឲ្យស្វីស ពន្យល់ជុំវិញបញ្ហាដែលយន្តហោះចម្បាំង ៣គ្រឿង ហោះដេញប្រកៀកយន្តហោះដឹកគណ:ប្រតិភូខ្លួន

ចែកចាយបន្ត

Sky News: រដ្ឋាភិបាលទីក្រុង មូស្គូ បានទាមទារឲ្យរដ្ឋាភិបាលប្រទេស ស្វីស ពន្យល់ក្នុងរឿងហេតុដែលយន្តហោះចម្បាំង ៣គ្រឿងរបស់ប្រទេសនេះ ហោះប្រដេញយ៉ាងកៀក យន្តហោះដឹកគណ:ប្រតិភូប្រធានាធិបតីរុស្ស៊ី ក្នុងដំណើរផ្លូវឆ្ពោះទៅចូលរួមកិច្ចប្រជុំកំពូលអន្តរជាតិនៅប្រទេស បេរ៉ូ។

យោងតាមសារព័ត៌មាន Sky News ចេញផ្សាយនៅថ្ងៃទី២០ ខែវិច្ឆិកា ឆ្នាំ២០១៦ បានឲ្យដឹងថា យន្តហោះដឹកសមាជិកគណ:ប្រតិភូរស្ស៊ី ទៅចូលរួមកិច្ចប្រជុំកំពូលអាស៊ីប៉ាស៊ីហ្វិក ត្រូវបានយន្តហោះចម្បាំងប្រភេទ F/A 18 របស់ស្វីស ០៣គ្រឿង ហោះចេញ និងព័ទ្ធជុំវិញ ខណ:ហោះឆ្លងកាត់ដែនអាកាសរបស់ស្វីស។ នេះបើយោងតាមរបាយការណ៍។

មន្ត្រីស្ថានទូតរុស្ស៊ី ប្រចាំនៅប្រទេស ស្វីស បានឲ្យដឹងថា «យើងសម្តែងការភ្ញាក់ផ្អើល និងបានស្នើមានការពន្យល់ពីប្រទេស ស្វីស ជុំវិញឧបតិហេតុនេះ»។
សូមជំរាបផងដែរថា យន្តហោះដឹកគណ:ប្រតិភូប្រធានាធិបតីរុស្ស៊ីមួយគ្រឿង រួមទាំងអ្នកសារព័ត៌មានផងដែរនោះ ត្រូវយន្តហោះចម្បាំងរបស់ប្រទេសសី្វស០៣គ្រឿង ហោះដេញយ៉ាងប្រកៀក រហូតយន្តហោះទាំងពីរ អាចមើលឃើញមុខគ្នាទៅវិញទៅមក ក្នុងពេលមានភាពតានតឹង រវាងប្រធានាធិបតី វ្លាឌីមៀ ពូទីន និងសហភាពអឺរ៉ុប។

អ្នកដំណើរម្នាក់ដែលនៅលើយន្តហោះរបស់គណ:ប្រតិភូរុស្ស៊ី ដែលយន្តហោះធ្វើដំណើរទៅកាន់ប្រទេស បេរ៉ូ នោះ បានថតវីដេអូ ឲ្យឃើញថា យន្តហោះយោធាដែលកំពុងហោះយ៉ាងជិតនោះ គឺជាយន្តហោះរបស់ប្រទេសស្វីស។

លោក Andrey Kolesnikov ដែលជានិពន្ធនាយកទស្សនាវដ្តីរុស្ស៊ី Pioneer បានសរសេរនោះលើបណ្តាញទំនាក់ទំនងសង្គមហ្វេសប៊ុកថា «យើងកំពុងហោះនៅលើដែនអាកាសរបស់ប្រទេស ស្វីស។ នៅពេលនោះ យន្តហោះរបស់គណ:ប្រតិភូរុស្ស៊ី ត្រូវបានយន្តហោះចម្បាំង ០៣គ្រឿងនោះ ហោះប្រកៀក មករាំងរាំង ទាំងបីជ្រុងតែម្តង»។

លោក Kolesnikov បន្តថា យន្តហោះទាំង ០៤គ្រឿង ដែលមានយន្តហោះដឹកគណ:ប្រតិភូរបស់ប្រធានាធិបតីរុស្ស៊ី និងយន្តហោះចម្បាំងស្វីស ០៣គ្រឿង បានហោះចូលគ្នាយ៉ាងប្រកៀកបំផុត រហូតគាត់អាចមើលឃើញមុខ ពិឡុតយន្តហោះចម្បាំង និងទង់ជាតិរបស់ស្វីសថែមទៀតផង។ ភាគីទាំងពីរ អាចនឹងមានការប៉ះទង្គិចគ្នាយ៉ាងងាយស្រួលបំផុត ប្រសិនបើយន្តហោះចម្បាំងទាំងនោះ ហោះមកកាន់តែកៀកជាងនេះ៕

3a869ac800000578-0-image-m-2_1479493915742

3a869b2a00000578-0-image-a-6_1479493950322

3a869b6a00000578-0-image-m-4_1479493932206

8f4697508c0dd287c81a64ce6d97a9a7d984b86f15b618ac492e020f051d30e5_3835236