គូស្នេហ៍ចាស់ប...

គូស្នេហ៍ចាស់ប៉ែន ចំរ៉ុង ប្ដូរជំហរឈប់ប្ដឹង ហេង ស៊ីម៉ន

ចែកចាយបន្ត

មុនចុះមកដល់ប្រទេសកម្ពុជា អ្នកនាង ថាច់ ផល្លា ដែលគេស្គាល់ថាជាសង្សារចាស់របស់លោកប៉ែន ចំរ៉ុង បានប្រកាសយ៉ាងក្ដែងៗថា អ្នកនាងនឹងប្ដឹងតារាសម្ដែងហេង ស៊ីម៉ន ឲ្យចាស់ដៃ ដោយសារតែអ្នកនាងចាប់បានសំឡេងតារាប្រុសរូបនេះប្រាប់ថាគេតាមឆាតពាក់ព័ន្ធនឹងការបង្ខូចឈ្មោះរបស់អ្នកនាង។

យ៉ាងណាមិញ ក្នុងជំនួបដោយផ្ទាល់កាលពីថ្ងៃទី២២ វិច្ឆិកា អ្នកនាងបានប្រកាសថាសម្រេចចិត្តលែងប្ដឹងវិញហើយ ដោយទុកឲ្យរឿងរ៉ាវនោះអាចបញ្ចប់ដោយភាព ស្ងប់ស្ងៀមជាជំនួស។
អ្នកនាង ថាច់ ផល្លា និយាយថាហេតុផលដែលអ្នកនាងសម្រេចចិត្តឈប់ប្ដឹងលោកហេង ស៊ីម៉ន គឺដោយសារតែអ្នកនាងយល់ថាលោកហេង ស៊ីម៉ន ក៏ជាអតីតមិត្តភ័ក្រ្ត និងធ្លាប់មានទំនាក់ទំនងគ្នាច្រើនមកដែរមុនពេលបែកបាក់ទំនាក់ទំនង។

អ្នកនាងថាតារារូបនេះបាននិយាយតាមឆាតថាអ្នកនាងជាស្រីស្នេហ៍របស់ខ្លួន និងបានបង្ខូចថាខ្លួនត្រលប់ទៅស្រឡាញ់លោកប៉ែន ចំរ៉ុង វិញ ក្រោយពេលលោកប៉ែន ចំរ៉ុង បែកបាក់នឹងភិន សុដាលីស ទើបអ្នកនាងមិនអាចទទួលយក។

អ្នកនាងថាមកទល់ពេលនេះ រវាងអ្នកនាង និងប៉ែន ចំរ៉ុង អត់បានត្រលប់រកគ្នានោះទេ ហើយរវាងអ្នកនាង និងលោកហេង ស៊ីម៉ន ក៏មិនមែនជាសង្សារនឹងគ្នាដែរ គឺគ្រាន់តែរាប់អានគ្នា លុះដល់មើលដឹងថាចិត្តគំនិតមិនត្រូវគ្នាក៏ចែកជើងគ្នាប៉ុណ្ណោះ។

អ្នកនាងថាលោកហេង ស៊ីម៉នបាននិយាយសម្ដីទាំងនេះប្រាប់មិត្តភ័ក្ត្ររបស់អ្នកនាងតាមឆាត ហើយអ្នកទាំងនោះបានបញ្ជូនសំឡេងរបស់លោក ហេង ស៊ីម៉ន ឲ្យខ្លួនស្ដាប់ ទើបអ្នកនាងឆេះដុំហើយសម្រេចចិត្តថានឹងប្ដឹងពីបទបង្ខូចឈ្មោះ។

យ៉ាងណាមិញ អ្នកនាងបញ្ជាក់ជាថ្មីថាខ្លួនមិនប្ដឹងទៀតទេ ដោយអ្នកនាងសុខចិត្តអហោសិកម្មឲ្យលោកហេង ស៊ីម៉ន ដើម្បីបញ្ចប់រឿង។
ពាក់ព័ន្ធនឹងបញ្ហានេះ លោកហេង ស៊ីម៉ន បានអះអាងថាអ្នកនាងថាច់ ផល្លា មានការយល់ច្រលំ។ លោកថាអ្នកបញ្ជូនសំឡេងនោះទៅបញ្ឆេះអ្នកនាង គឺបញ្ជូនសំឡេងតែម្ខាងដោយមិនបានបញ្ជូនសំឡេងសន្ទនាទាំងមូលយកឲ្យអ្នកនាងស្ដាប់នោះទេ ទើបអ្នកនាងស្ដាប់ហើយយល់ថាលោកបង្ខូចឈ្មោះ។
លោកថាមិនដឹងថាសម្ដីណាមួយជាការបង្ខូចឈ្មោះចំពោះអ្នកនាងថាច់ ផល្លានោះទេ ដោយសារតែពេលសន្ទនាគឺលោកក៏និយាយ ហើយអ្នកឆ្លងឆ្លើយក៏និយាយពីអ្នកហេតុផលដែលនាំឲ្យលោក និងអ្នកនាងបែកបាក់គ្នា។ យ៉ាងណាមិញ លោកថាមិនខ្វល់ពីរឿងអ្នកនាងថាច់ ផល្លា ចង់ប្ដឹងឬមិនប្ដឹងនោះទេ ដោយសារតែលោកយល់ថានោះគ្រាន់តែជាយល់ច្រលំ៕
ទស្សនា​វីដេអូឃ្លិបដូចខាងក្រោមនេះ៖

pen-chomrong-1

pen-chomrong-2

pen-chomrong-3

pen-chomrong-4

pen-chomrong-5

pen-chomrong-6

pen-chomrong-7

pen-chomrong-8

pen-chomrong-14

pen-chomrong-15

pen-chomrong-16

pen-chomrong-17

pen-chomrong-18

ចែកចាយបន្ត