តារារងការចោទថ...

តារារងការចោទថាដណ្ដើមប្ដី ឈិន សុធារី ប្រកាសមិនធ្វើសង្គ្រាម

ចែកចាយបន្ត

ផ្ទុយពីតារាភាគច្រើនដែលរងការចោទប្រកាន់ពីសំណាក់សំណាក់ភរិយា ហើយប្រឹងចេញមុខ ប្រកែកដើម្បីលាងខ្លួន ឬអាចដាក់បណ្ដឹងទៅកាន់ភរិយាពីបទបង្ខូចឈ្មោះ តារាសម្ដែងវ័យក្មេងនាងឌីណា ដែលត្រូវឈិន សុធារី ប្រកាសថាជាសាហាយស្មន់របស់លោកសុវណ្ណ មករា បែរជាប្រកាសថាអ្វីដែលឈិន សុធារី បកអាក្រាតជារឿងឥតប្រយោជន៍ ដែលនាងមិនត្រូវការយកពេលទៅធ្វើសង្គ្រាមឈ្លោះប្រកែកជាមួយ ឬ ទៅតតាំងតបតជាមួយទៅវិញ។ កញ្ញាថាឈិន សុធារី ចង់ធ្វើអ្វីគឺជាសិទ្ធិរបស់ភរិយា ចំណែកនាងមិនរវល់នាំឲ្យមានរឿងវែងឆ្ងាយនោះឡើយ។

កញ្ញាឌីណា ដែលត្រូវគេស្គាល់ថាតារាសម្ដែងកំពុងឡើងកូដនៅក្នុងរឿងថ្មីរបស់ទូរទស្សន៍ ប៉ុស្ដិ៍លេខ៥ និងជាតួឯក្នុងរឿងថ្មីមួយក្នុងផលិតកម្មរបស់លោកសុវណ្ណ មករា ដែលចាក់ផ្សាយនៅទូរទស្សន៍បាយ័ន បានអះអាងថា អ្វីដែលឈិន សុធារី បកអាក្រាតមកលើនាងគឺនាងមិនឈឺក្បាលវិលមុខនោះទេ។ កញ្ញាថាខ្លួនគ្មានពេលវេលាទៅគិតរឿងគ្មានប្រយោជន៍ដែលឈិន សុធារី បានប្រកាសឡើងទេ បើទោះជាអ្នកណាៗក៏មើលឃើញថាអ្វីដែលឈិន សុធារី ប្រកាសឡើង គឺមិនខុសពីការដុតរោលនូវកិត្តិយស និងមុខមាត់របស់នាងឲ្យល្បីបញ្ច្រាសខ្យល់។ យ៉ាងណាមិញកញ្ញាឌីណា បានអះអាងថាខ្លួនមិនបានប្រើពាក្យគំរាមកំហែងដល់អ្នកនាងឈិន សុធារី នោះទេ ខណៈដែលនាងមិនប្រតិកម្មនូវអ្វីដែលឈិន សុធារី លើកឡើងរវាងនាង និងលោក សុវណ្ណ មករា ជុំវិញការចោទថាជាសហាយស្មន់នឹងគ្នា។ ជាមួយនឹងសំណួរថាតើអ្នកនាងគិតយ៉ាងមិចជាមួយនឹងការបកអាក្រាតរបស់ឈិន សុធារី និងការប្រកាសប្ដឹងរបស់នាងពីបទសាហាយស្មន់ជាមួយលោកសុវណ្ណ មករា តារាសម្ដែងនាងឌីណា បានឆ្លើយតបថាខ្លួនគ្មានខួរក្បាលគិតដល់រឿងឥតប្រយោជន៍មួយហ្នឹងឡើយ។ តារាសម្ដែងក្មេងខ្ចីរូបនេះបន្តថា បើទោះជាឈិន សុធារី ចង់ធ្វើអី គឺជារឿងរបស់នាង ចំណែកខ្លួនគឺរវល់នឹងការងារណាស់ ដោយគ្មានពេលទៅលេងល្បែងបង្កើតជម្លោះជាមួយនឹងឈិន សុធារី នោះឡើយ។

ឈិន សុធារី បានអះអាងថា តារាសម្ដែងនាងឌីណា គឺជាសហាយស្មន់របស់លោកសុវណ្ណ មករា ហើយអ្វីដែលនាងហ៊ាននិយាយគឺបណ្ដាលមកពីនាងតាមទាន់ស្វាមីរបស់ខ្លួននៅផ្ទះនាងឌីណាច្រើនលើក ដោយមានទាំងរូបថត និងខ្សែអាត់សំឡេងនៅពេលអ្នកនាងតាមទាន់នោះផងក្នុងដៃ។ អ្នកនាងថាខ្លួននឹងគ្រោងបញ្ចេញភស្ដុតាងទាំងនោះជាសាធារណៈ និងបញ្ចេញនូវភស្ដុតាងគំរាមរបស់នាងឌីណាដែលកើតចេញពីពេលឈ្លោះគ្នា ប្រសិនបើនាងឌីណានៅតែចចេសយកល្អ ថាមិនបានទាក់ទងលោកសុវណ្ណ មករា ក្នុងនាមជាសហាយស្មន់។ មកទល់ពេលនេះ បើទោះជានាងឌីណា មិនធ្វើការតបតប៉ុន្តែឈិន សុធារី បានអះអាងថាជម្លោះនៅមិនទាន់បានបញ្ចប់ទេ ដរាបណានាងឌីណា នៅតែបន្តទាក់ទងលោកសុវណ្ណ មករា ផ្គើនខ្លួន និងមិនសុំទោសនូវអ្វីដែលបានគំរាមអ្នកនាងជាភរិយា ក្នុងពេលឈ្លោះគ្នា៕
chin-chansoteary-1

chin-chansoteary-2

chin-chansoteary-3

chin-chansoteary-4

chin-chansoteary-5

chin-chansoteary-6

chin-chansoteary-7

chin-chansoteary-8

chin-chansoteary-9

chin-chansoteary-10

chin-chansoteary-11

chin-chansoteary-12

chin-chansoteary-13

chin-chansoteary-14

chin-chansoteary-15

ចែកចាយបន្ត