Post News Media ព័ត៌មានសិល្បៈ និងកម្សាន្ត តារាសម្ដែងស្រ...

តារាសម្ដែងស្រី ប៉ាន់ ប៉ាន់ ដេកស្លាប់ក្នុងរថយន្ដ

ចែកចាយបន្ត

តារាសម្ដែងស្រី ប៉ាន់ ប៉ាន់ ឬ ណាណាក់ សុចារីតផុត ជាតារាសម្ដែងប្រចាំ ក្រុមហ៊ុន GMM Grammy ដែលជាតារាស្រីមានឈ្មោះល្បីល្បាញមួយរូប តាមរយ:រឿងភាគទូរទស្សន៍ជាច្រើន ដែលនាងបានសម្ដែង ហើយនៅថ្ងៃទី ០៥ ខែ មករា ឆ្នាំ ២០១៧ សារព័ត៌មានថៃ បានទទួលដំណឹងមកថា តារាស្រីរូបនេះបាន ធ្វើអត្តឃាតខ្លួនឯង ដោយដេកស្លាប់នៅរថយន្ដ ខណ:ខាងប៉ូលិសបានប្រទះឃើញសាកសពនាងនៅក្នុងរថយន្ដផ្ទាល់ខ្លួននាង នាវេលាម៉ោង ០៦ ព្រឹកថ្ងៃនេះ ។

តារាសម្ដែងស្រី ប៉ាន់ ប៉ាន់ អាយុ ២០ ឆ្នាំ បានធ្វើអត្តឃាតខ្លួនដេកស្លាប់នៅក្នុងរថយន្ដ ដោយខាងមន្រ្ដីប៉ូលិសបានប្រមូលបាននូវ វត្ថុតាងដូច ការបូបលុយរបស់នាង នឹង មានថ្នាំងងុយដេកក្នុងការបូបផងដែរ ទើបប៉ូលិសសន្និដ្ឋានបានថា នាងទំនងជាលេបថ្នាំងងុយដេកជាច្រើនគ្រប់ រួចដេកស្លាប់នៅក្នុងរថយន្ដតែម្ដង ដោយសភាពសព ប៉ូលិសអះអាងថា ទើបតែស្លាប់បាន ២ ម៉ោងតែប៉ុណ្ណោះ ។

សូមជម្រាបបន្ថែមថា តារាសម្ដែងស្រីរូបនេះ មានក្រុមគ្រួសារដែលស្ថិតក្នុងឋាន:អភិជន ក៏ប៉ុន្ដែ មិនទាន់មានការអះអាងមូលហេតុណា មួយដែលអាចបញ្ជាក់ពីខាងក្រុមគ្រួសាររបស់នាង បន្ថែមពីការករណីការធ្វើអត្តឃាត របស់តារាស្រី ប៉ាន់ ប៉ាន់ នៅឡើយទេ ។

គួរបញ្ជាក់ផងដែរថា ស្ថានការណ៍កើតហេតុខាងលើវាគ្រាន់តែ​ជាឈុតឆាកដែល បានបង្ហាញថែមនៅក្នុងរឿង ” I Hate You I Love You ” ភាគទី ៤ ដោយត្រូវ​ដាក់បញ្ចាំង​នៅថ្ងៃសៅរ៍ទី ៧ ខែ មករា ឆ្នាំ ២០១៧ នាវេលាម៉ោង ២០ :​ ០០ នាទី តាមរយ: Line TV ៕


ប្រភព: http://www.matichon.co.th/news/415831