Post News Media ព័ត៌មានសិល្បៈ និងកម្សាន្ត ស្រែកគាំទ្រល្...

ស្រែកគាំទ្រល្ខោនខោលពេញ FB ដល់ធ្វើឡើងស្ងាត់ដូច​ចោរលួចសេះ​

ចែកចាយបន្ត

នៅពេលដែលបានឭ ឬឃើញថាប្រទេសជិត​ខាងថៃ បានយកល្ខោនខោលរបស់កម្ពុជា គ្រោងនឹងដាក់បញ្ចូល​ជា​បេតិកភណ្ឌពិភពលោក នោះ យើង​សង្កេត​ឃើញថា អ្នកគាំទ្រ​នៅកម្ពុជា​ បានស្រែកឡើងតាម ហ្វេសប៊ុក (FB) យ៉ាងខ្លាំង ដោយបញ្ចេញទស្សន:រៀងៗខ្លួន​ ធ្វើការគាំទ្រ​ទៅលើល្ខោន ដែលមិនសូវ​បញ្ចេញវត្តមានលើកញ្ចក់ទូរទស្សន៍ មួយនេះ​ ។​

ខុសពីជំហរ ខាងលើ ជាក់ស្តែង​ម្សិលមិញនេះ ក្នុងកម្មវិធីព្រះគុណគ្រូ មរតក​ល្ខោនខោល សម្រាប់លោកតាយិត សារិន វ័យ ៩២ ព្រះវិស្សា នោះ មានសភាពស្ងប់ស្ងាត់ ដោយមានត្រឹមតារាប៉ុន្មានដួង និងម្ចាស់ផលិតកម្ម​ ម្នាក់ទៅ២នាក់ ចូលរួម ក្នុងកម្មវិធីនេះ តែប៉ុណ្ណោះ ។​

ដោយឡែក​សម្រាប់វត្តមាន​មនុស្សរាប់ពាន់នាក់ជាពិសេស​អ្នកលេងបណ្តាញសង្គម FB ដែ​ល​បាន​ប​ញ្ចេ​ញ​ទ​ស្ស​ន:​ឈ្លោះនិងថៃ លើ​ល្ខោ​ន​ខោ​ល​នេះ​ ​វិ​ញ​​មិ​ន​ប​ង្ហា​ញ​វ​ត្ត​មា​ន​សោះ​ ​ដើ​ម្បីចូលរួមលើកទឹកចិត្ត និងបំណងប្រាថ្នាចុងក្រោយរបស់ ព្រឹទ្ធាចារ្យល្ខោនខោល លោក យិត សារិន ដែលជាមរតក​ចំណេះ​ មនុស្សរស់នោះ ។​

លោក កែវ សាស្ត្រា ដែលជា​អ្នករៀបចំកម្មវិធី ខាងលើ​បានឲ្យដឹងថា កម្មវិធីនេះលោកបានត្រៀមចំណាយដល់ ទៅ១ម៉ឺនដុល្លារ តែ​ទទួលបាន មកវិញពីអ្នកចូលរួមតែ ២ពាន់ដុល្លារ​អាម៉េរិកតែប៉ុណ្ណោះ ដែលប្រឈមនឹងការខាតយ៉ាងធ្ងន់ធ្ងរបំផុត ដោយមិន​អ៊ឹមធឹក លើ ហ្វេសប៊ុក ដែលធ្លាប់បញ្ចេញមតិ ទាល់តែសោះ ។

អ្នករៀបចំកម្មវិធីខាងលើ បានបន្តថា ឃើញបែបនេះ លោកពិតជា​អាណិត ដល់ល្ខោនខោល និងសិល្ប:បុរាណគ្រប់ទម្រង់ ដែល​កំពុងស្ថិតក្នុងភាពឯកោ ដោយមិនសូវបានគេយកចិត្តទុកដាក់ទាល់តែសោះ ឡើយ​ ដែលប្រឈមនឹង​ការបាត់ៗទៅ បើសិនជាយើង​មិនយកចិត្តទុកដាក់ ពីជំនាន់យើងនេះទៅនោះ៕​