Post News Media ព័ត៌មានសិល្បៈ និងកម្សាន្ត គីម ស៊ីវឡាម ស...

គីម ស៊ីវឡាម សល់ពីរជំហានរថយន្ត​ផ្តាច់ជីវិត​

ចែកចាយបន្ត

តួស្រីក្នុងខ្សែភាពយន្ត «អស្ចារ្យណាស់សំណព្វចិត្តខ្ញុំ» តារាសម្តែង គីម ស៊ីវឡាម កាលពីល្ងាចថ្ងៃទី​៩ ខែមករា ឆ្នាំ​២០១៧ បានជួបនូវគ្រោះថ្នាក់ចរាចរណ៍ បណ្តាលឲ្យរបួសសព្វដៃជើងនិងខ្លួនប្រាណ តែអ្វីដែលសំខាន់នោះ ជាលាភសំណាងនាង ដោយសល់តែ​២ជំហានទៀតតែប៉ុណ្ណោះ រថយន្តដឹក​ឥវ៉ាន់ ផ្តាច់ជីវិត។

គីម ស៊ីវឡាម បានប្រាប់​ Post News ឲ្យដឹងថា កាលពីម្សិលមិញនាងបានធ្វើដំណើរ​ទៅ ខេត្តកំពង់ស្ពឺ ដើម្បីចូលរួម​ពិធី​ជប់លៀងរបស់មិត្តភក្តិ ហើយត្រឡប់មកវិញ​នៅវេលាម៉ោង៤ មកដល់ម្តុំថ្នល់ទទឹង ក៏មានម៉ូតូ​មួយគ្រឿងជិះកាត់ ធ្វើឲ្យនាងស្លន់ស្លរ ឆាប់ហ្វ្រាំង​បោកម៉ូតូនៅនឹងថ្នល់ បណ្តាលឲ្យរបួសពេញខ្លួនប្រាណ កាលិត​ជង្គង់ ប្រអប់ជើង​ ។​

តួស្រីក្នុងខ្សែភាពយន្តខាងលើបានបន្តថា វា​ជាសំណាងរបស់នាងហើយ ដោយសល់ប្រហែល ២ជំហានទៀតតែប៉ុណ្ណោះ រថយន្តដឹកឥវ៉ាន់ នឹងកិនលើរូបនាង​ ដោយខាងរថយន្តនោះ ចាប់ហ្វ្រាំង​ទាន់ បើមិនដូច្នោះមិនដឹងថាជីវិត​របស់នាង ទៅជាយ៉ាងណា​នោះទេ​។ នាង​ថា អ្នកភូមិនៅទីនេះ បាននិយាយថា រាល់អ្នកដែលជួបគ្រោះថ្នាក់នៅទីនេះ កម្រ​រួច​ជីវិតណាស់ ចឹង​នាង​សំណាងហើយ ដែលរួចជីវិត​ ។​

ទោះបីជាយ៉ាងនេះក្តី គីម ស៊ីវឡាម បានក្រើនរំឭកដល់ អ្នកធ្វើដំណើរតាមដងវិថីទាំង​អស់ ថាសូមមេត្តាប្រុងប្រយ័ត្ន ពេលធ្វើដំណើរ ដើម្បីកុំឲ្យជួបគ្រោះថ្នាក់ចរាចរណ៍ដូចនាង ដោយគោរពច្បាប់​ឲ្យបានត្រឹមត្រូវ​ ៕​