Post News Media ព័ត៌មានសិល្បៈ និងកម្សាន្ត ភ្ញាក់ផ្អើល! ...

ភ្ញាក់ផ្អើល! ភរិយាថៃ នរ:ពិទូ ពរពោះជាង២ខែ ក្នុងពេលប្រឈមជាប់ពន្ធនាគារ

ចែកចាយបន្ត

ក្រោយអតីតហ្វ្រេស៊ីប៊យ លោក ថៃ នរ:ពិទូ ត្រូវចាប់ខ្លួនទាំងប្ដីទាំងប្រពន្ធ មហាជនមានការចាប់អារម្មណ៍យ៉ាងខ្លាំង ខណ:ដែលអ្នកទាំងពីរត្រូវចោទពីបទរក្សាទុកគ្រឿងញៀន និងចែកចាយគ្រឿងញៀន ដែលប្រឈមជាប់ទោសដាក់ពន្ធនាគារ។ អ្វីដែលកាន់តែមានការភ្ញាក់ផ្អើលទៀតនោះ គឺភរិយារបស់លោកថៃ នរ:ពិទូ ត្រូវបានបញ្ជាក់ថាពរពោះជាង២ខែ ក្នុងពេលដែលនាងត្រូវបានចោទប្រកាន់ លើបទល្មើសដ៏ធំមួយនេះ។

លោកថៃ នរ:សត្យា រដ្ឋលេខាធិការក្រសួងវប្បធម៌ និងវិចិត្រសិល្ប: និងជាឪពុកបង្កើតលោកថៃ នរ:ពិទូ បានអះអាងថា កូនប្រសាររបស់លោកមិនសមនឹងត្រូវជាប់ទោសជាមួយកូនប្រុសពាក់ព័ន្ធ នឹងករណីជួញដូរគ្រឿងញៀន ឬរក្សាទុកគ្រឿងញៀននោះទេ ដោយសារតែនាងនាពេលកន្លងមក គឺមិនសូវមានទម្លាប់ចុះខេត្តតាមស្វាមី និងមិនសូវចូលចិត្តចូលក្លិប ឬខារ៉ាអូខេ។ លោកថាកូនប្រសារ គឺអ្នកស្រី អោក រតន:ប៉ុណ្ណិកា ទើបតែដើរជាមួយលោកថៃ នរ:ពិទូ ទៅខេត្តឆ្ងាយផ្ទះក្នុងប៉ុន្មានលើកចុងក្រោយប៉ុណ្ណោះ ហើយក៏ត្រូវជាប់ជុចជាមួយនឹងកូនប្រុសលើករណីនេះ។ លោកសម្ដែងការអាណិតចំពោះកូនប្រសារដោយសារតែនាងពរពោះជាង២ខែក្នុងផ្ទៃ ដែលមិនទាន់ដឹងនៅឡើយថាកូនក្នុងផ្ទៃរបស់នាងជាកូនប្រុស ឬកូនស្រី។ លោកនិយាយថា«តាំងពីការមក កូនប្រសារខ្ញុំមិនសូវទៅតាមប្ដីទេ ទើបតែលើកហ្នឹងមានរឿងតែម្ដង ហើយអ្វីដែលខ្ញុំមិនយល់គឺគាត់ពរពោះកូនដំបូងជាង២ខែទៅទៀត ទើបអត់ដឹងនិយាយមិច»។ លោកថាក្រោយពេលកូនប្រសារមានដំណឹងពរពោះ ម្នាក់ៗសប្បាយចិត្តណាស់ ដោយសារតែចង់ពរចៅ ប៉ុន្តែគួរឲ្យស្ដាយក៏មានដំណឹងប៉ូលិសចាប់ និងឈានដល់តុលាការទាំងឪពុក និងម្ដាយរបស់ទារកក្នុងផ្ទៃ ដែលលោកបញ្ជាក់ថានោះជារឿងធំដុំ ដែលលោកក៏មិនអាចចេញមុខដោះស្រាយ។ លោកថាលោកថៃ នរ:ពិទូ ជាប់ចោទពីបទសេពគ្រឿងញៀន ប៉ុន្តែកូនប្រសារលោកមិនបានដឹងថាតើនាងពាក់ព័ន្ធនឹងការសេពគ្រឿងញៀន ឬយ៉ាងណានោះទេ ក្នុងពេលដែលនាងមានផ្ទៃពោះជាង២ខែក្នុងផ្ទៃ។

យោងតាមសេចក្ដីរាយការណ៍ ជនជាប់ទាំង៦ដែលត្រូវចាប់ខ្លួនកាលពីថ្ងៃទី១០ មករា ពីបទរក្សាទុកគ្រឿងញៀន សារជាតិជាតិ ដែលរួមមានលោកថៃ នរ:ពិទូ និងភរិយាផង នឹងត្រូវបញ្ជូនទៅកាន់តុលាការនៅរសៀលថ្ងៃទី១១ មករា នេះ។ អ្នកទាំងពីរនឹងត្រូវប្រឈមជាប់ពន្ធនាគារ បើរកឃើញថាពិតជាបានចែកចាយ និងសេពគ្រឿងញៀនដូចការចោទប្រកាន់។ អ៊ីចឹងហើយទើបភរិយារបស់លោកថៃ នរ:សត្យា បានបង្ហាញអារម្មណ៍ចង់ស្លាប់ នៅលើហ្វេសប៊ុក ដោយសារមានសម្ពាធរឿងអាម៉ាស និងអាណិតដល់ចៅក្នុងផ្ទៃ ដែលទើបចាប់កំណើតបានជាង២ខែ ក្នុងផ្ទៃរបស់ភរិយា លោកថៃ នរ:ពិទូ៕