Post News Media ព័ត៌មានសិល្បៈ និងកម្សាន្ត តារាល្បី៤ដួង ...

តារាល្បី៤ដួង សម្ដែងប៉ះគ្នានៅអាម៉េរិក

ចែកចាយបន្ត

យោងតាមការប្រកាសតារាល្បីឈ្មោះ៤ដួង នឹងត្រូវសម្ដែងប៉ះគ្នានៅលើទឹកដីអាម៉េរិក ចាប់ពីចុងខែមីនានេះ រហូតដល់ដំណាច់ខែមិថុនា។ តារាទាំង៤នោះរួមមាន កញ្ញា រ៉ូលីន អ្នកនាងកាតុ លោកគង់ សុធារិទ្ធិ និងកញ្ញាទៀង មុំសុធាវី ដែលសុទ្ធតែជាតារាល្បី។

លោក គង់ សុធារិទ្ធិ ដែលបានឡើងទៅច្រៀងតាំងពីដើមខែមីនា បានអះអាងថាលោក និងកញ្ញា ទៀង មុំ សុធាវី បានដំណើរច្រៀងរាំជាមួយគ្នានៅលើទឹកដីអាម៉េរិកជាបណ្ដើរៗហើយ ដើម្បីរង់ចាំវត្តមានមកដល់របស់តារាប្រុសស្រី២រូបទៀត គឺកញ្ញា រ៉ូលីន និងអ្នកនាងកាតុ ឡើងយន្តហោះមកតាមក្រោយ។ លោកថាក្រុមតារាទាំង៤នឹងច្រៀងប៉ះគ្នាលើឆាកតែមួយប្រមាណជាង២០លើក ដោយលោក និងកញ្ញា ទៀង មុំសុធាវី គឺត្រូវសម្ដែងចំនួន២៥លើក នៅទូទាំងសហរដ្ឋអាម៉េរិក។ លោកថានេះជាលើកទី២របស់ខ្លួននៅលើទឹកដីអាម៉េរិក និងជាលើកទី៣របស់កញ្ញាទៀង មុំសុធាវី តែមិនបានដឹងថាជាលើកទីប៉ុន្មានរបស់កញ្ញារ៉ូលីន និងអ្នកនាងកាតុ នោះទេ។ លោកថាលោក និងតារាទាំងអស់ នឹងមានបេសសកម្មចំនួន៣ខែកន្លះ ដោយមិនមានគម្រោងបន្តការសម្ដែងក្រោយផុតកុងត្រាទៀតទេ ដោយសារតែម្នាក់ៗសុទ្ធតែមានការងាររវល់នៅកម្ពុជា។ គម្រោងច្រៀងរាំនេះ លោកថាដើម្បីបង្អួតវប្បធម៌ខ្មែរក្នុងឱកាសបុណ្យចូលឆ្នាំខ្មែរផង និងដើម្បីប្រមូលថវិកា ជាប្រយោជន៍ដល់ក្រុមក្មេងៗកំព្រា និងទុរគតជននៅ ក្នុងប្រទេសកម្ពុជាផង។ លោកការសម្ដែងរបស់ខ្លួន ទទួលបានជោគជ័យ ដោយមានអ្នកទិញសំបុត្រទស្សនាកកកុញ បើទោះជាតារាកំប្លែង២រូប គឺរ៉ូលីន និងអ្នកនាងកាតុ មិនទាន់មកដល់។ លោកថាជាលើកទី១ ដែលតារាចម្រៀង៤ដួងគឺ លោក និងតារា៣រូបទៀត ត្រូវបានអ្នកស្ពុនស័រធានាឲ្យមកច្រៀងនៅអាម៉េរិក ដើម្បីឲ្យបងប្អូនបានរីករាយក្នុងឱកាសចូលឆ្នាំខ្មែរ និងក្រោយចូលឆ្នាំខ្មែរ។ លោករំពឹងថាវត្តមានរបស់ប៉ះគ្នានៅលើទឹកដីស៊ីវិល័យនេះ នឹងធ្វើការសម្ដែងគ្រប់លោកទទួលជោគជ័យ និងមិនសល់កៅអីអង្គុយទស្សនា៕

ចែកចាយបន្ត