Post News Media ព័ត៌មានសិល្បៈ និងកម្សាន្ត ពៅ បញ្ញាពេជ្រ...

ពៅ បញ្ញាពេជ្រ កើបប្រជាប្រិយភាពវិញ​តាមរបរ​អនឡាញ​

ចែកចាយបន្ត

ក្រោយធ្លាក់ខ្លួនពិការ​ព្រោះតែខ្មាន់កាំភ្លើងប្រហារ ធ្វើឲ្យជីវិតសិល្ប: ពៅ បញ្ញាពេជ្រ​ បាត់សូន្យឈឹង ទើបតែ​ទទួលបានការគាំទ្របណ្តើរៗវិញ តាមហ្វេសប៊ុក ក្រោយស្រែកច្រៀង និងបង្កើតរបរអនឡាញ​។​

គេនៅចាំបានថា កាលពីថ្ងៃទី​២៣ ខែកុម្ភ: ឆ្នាំ​២០១៧ តារាចម្រៀង ពៅ បញ្ញាពេជ្រ ត្រូវបានឧក្រិដ្ឋជន​បាញ់ប្រហារ​ រហូតធ្លាក់ខ្លួនពិការ និងស្ទើរតែបាត់មុខ​សូន្យឈឹងពីពិភពសិល្ប:ទៅហើយ​។​ រហូតមកទល់ពេលនេះ ពៅ បញ្ញាពេជ្រ ធ្វើដំណើរទៅណា ពឹងលើកៅអ៊ីរំកិលខ្លួន រស់នៅរែកពន់ទឹកភ្នែក ហើយ​នៅប្រឈម​ ទ្រាំរស់ ក្នុងស្ថានភាពនេះ ប្រកបដោយភាព សប្បាយរីករាយ មិនទោរទន់នឹងជីវិតពិការឡើយ​។​

អ្វីដែលគេកត់សម្គាល់ក្នុងរយ:ពេល​១ឆ្នាំចុងក្រោយនេះអតីត​តារាចម្រៀងហង្សមាស បានព្យាយាម​បញ្ចេញសំនៀងកំដរ​ទស្សនិកជន ស្រែកច្រៀងលើបណ្តាញសង្គមហ្វេសប៊ុក និងត្រូវ​បានស្ថានីយ៍ទូរទស្សន៍​ក្នុងស្រុកអញ្ជើញឡើងឆាកម្តងម្កាល ។ ប៉ុន្តែ​ការអញ្ជើញ​ឲ្យឡើងឆាកនេះ មិនអាចរកចំណូលបានច្រើនដើម្បីផ្គត់ផ្គង់លើថ្លៃព្យាបាលជំងឺរបស់នាងឡើយ ។​

ដោយសារតែខ្វះខាត ពៅ បញ្ហាពេជ្រ បានព្យាយាមបើករបរ​លើអនឡាញ កើបប្រជាប្រិយភាពវិញ ដោយមានអ្នកចូលមើលខ្ទង់ ២ទៅ ៣K និងជួយទិញនូវផលិតផលរបស់នាង ដែលមាន​ក្រេបលាបបបូរមាត់ វែនតា និងក្រវិលលម្អត្រចៀកជាដើម​។​
ផ្អែកតាមវីដេអូឃ្លិប«ក្រែម​លាប​មាត់​ល្បីៗ​មាន​ជម្រើស​ច្រើន​ពណ៌​ទាំង​បំពង់ និង​ក្រែម​លាប​ប្រើជក់ មួយ​សុទ្ធតែ​មាន​តម្លៃ ១០ ដុល្លារ ទាំងអស់ ហើយ​ផលិតផល​ក្រែម​ទាំង​នោះ​មាន​នាំចូល​ពីកូរ៉េ អ៊ីតាលី និង​អាមេរិក។ ប្រសិន​បើបង​ប្អូន​ជាវក្រែម​ប្រាំ​ដើម ឬដប ក្នុង​រយ:ពេល​ពីរ​ថ្ងៃនៃ​ការ​ប្រូម៉ូសិន​នេះ នឹង​ថែម​ជូន​ឥត​គិតថ្លៃ​នូវ​កាបូប​ដៃតូច​មួយ ខណ:​ជាវ​បីដើម​ថែម​ជូន​ក្រវិល ១ គូ​ដែរ ហើយ​ក៏មាន​ការ​នាំយក​កាបូប​ដៃ​តូចៗ​របស់​ថៃ ដែលមាន​ភាព​ងាយស្រួល​សម្រាប់​ដាក់​គ្រឿង​តុបតែង​កាយ​បងប្អូន​នារី មួយ​តម្លៃ ១០ ដុល្លារ»។
នាងបានបន្តថា « បងប្អូន​ជួយ​ទិញ​ផលិតផល​នាង​ខ្ញុំគឺ​លើក​ទឹកចិត្ត និង​ជួយ​ចិញ្ចឹម​ជនពិការ​ម្នាក់​អ៊ីចឹង​ដែរ»

ចែកចាយបន្ត