Post News Media ព័ត៌មានសិល្បៈ និងកម្សាន្ត Alicia Vikand...

Alicia Vikander ជំនួសតំណែង Angelina Jolie ក្នុងខ្សែភាពយន្ដ Tomb Raider

ចែកចាយបន្ត

តារាសម្ដែងវ័យក្មេងនាង Alicia Vikander បានចូលមកជំនួសតំណែងរបស់ Angelina Jolie នៅក្នុងខ្សែភាពយន្ដរឿង Tomb Raider ដែលបានផលិតសារជាថ្មីម្ដងទៀត ដោយយកតាមលំនាំរឿងចាស់ សម្ដែងដោយអ្នកនាង Angelina Jolie ។ កាលពីថ្ងៃច័ន្ទម្សិលមិញនេះ គណនីផ្លូវការរបស់នាង Alicia Vikander បានទម្លាយរូបភាព ៣ សន្លឹកនៅក្នុងខ្សែភាពយន្ដនេះ ។

នេះដោយយោងតាមគេហទំព័រ dailymail នៅថ្ងៃទី ២៨ ខែមីនា ឆ្នាំ ២០១៧ ។

តារាសម្ដែងវ័យក្មេងអាយុ ២១ ឆ្នាំ ត្រូវបានអ្នកដឹកនាំកោតសរសើរសមត្ថភាពសម្ដែង មិនចាញ់អ្នកនាង Angelina Jolie​ ឡើយ ទាំងសកម្មភាពវ៉ៃប្រហា លោតផ្លោះ មានភាពរស់រវើក ពោពេញដោយទេពកោសល្យ ។ ក្នុងនោះដែលអ្នកដឹកនាំរឿង បានពោលពីដំណើររឿងខ្លះៗ ដែលមានអត្ថន័យដូចតទៅ ៖ ប្រាំពីរឆ្នាំ បន្ទាប់ពីការបាត់ខ្លួនរបស់ឪពុកមក Lara នារីដែលមានអាយុ២១ ឆ្នាំ បានបដិសេធមិនទទួលយកតំណែងម្ចាស់អាជីវកម្មសកលលោករបស់ខ្លួន ដោយជ្រើសធ្វើការជាអ្នកនាំសំបុត្រ នៅក្នុងទីក្រុងឡុង ខណ:ដែលនាងនៅរៀនថ្នាក់មហាវិទ្យាល័យ ។

បន្ទាប់មកមិនដឹងជាយ៉ាងម៉េច ការស៊ើបអង្កេតការបាត់ខ្លួនឪពុក បានចាប់ផ្ដើមបំផុសឡើងវិញ នៅក្នុងខួរក្បាលរបស់នាង ហើយនាងធ្វើដំណើរទៅទីតាំងចុងក្រោយដែលឪពុកបានបាត់ខ្លួន នៅលើកោះមួយក្បែរឆ្នេរសមុទ្រមួយកន្លែងក្នុងប្រទេសជប៉ុន។ ចុងក្រោយការបំបែករឿងក្ដីរបស់នាង មានឧបសក្គជាច្រើន នឹងផ្សងគ្រោះថ្នាក់យ៉ាងខ្លាំង តែដោយស្មារតីរឹងរូសមិនរាថយរបស់នាង នៅទីបំផុតនាងបំបែករឿងក្ដីបានសម្រេច នឹងរកយុត្តិធម៌ជូនឳពុកនាងបានហើយ ៕

ចែកចាយបន្ត