Post News Media ព័ត៌មានសិល្បៈ និងកម្សាន្ត ល្បីថា សុវណ្ណ...

ល្បីថា សុវណ្ណ មករា គំរាមឲ្យ ឈិន សុធារី ឆ្លើយបង្វែងដាន

ចែកចាយបន្ត

យោងតាមស្នាមរបួសដែលបានទម្លាយចេញ គឺឈិន សុធារី មានរបួសមិនខុសពីការប៉ះទង្គិចដោយការប្រទាញប្រទង់ ក្នុងពេលនាងតាមទាន់ស្វាមីនាំស្រីឡើងផ្ទះសំណាក់មួយនៅភ្នំពេញថ្មី ដូចអ្វីដែលគេបានទម្លាយភ្លាមៗនោះទេ។ ប៉ុន្តែមុននេះបន្តិច ឈិន សុធារី បានផ្ដល់សម្ភាសន៍ថានោះជារបួសពីការរអិលកាំជណ្ដើរ។ ប្រភពទុកចិត្តបានអះអាងថា ចម្លើយនោះគឺដោយសារតែឈិន សុធារី រងការគំរាមពីលោកសុវណ្ណ មករា ក្រោយពេលព័ត៌មានផ្អើលខ្លាំង បណ្ដាលឲ្យលោកខូចឈ្មោះប៉ុណ្ណោះ។

ប្រភពពីអ្នកបានឃើញហេតុការណ៍នៅផ្ទះសំណាក់ដែលឈិន សុធារី និង លោក សុវណ្ណ មករា ផ្ទុះរឿងប្រទូសសារាយ បានអះអាងថានៅយប់ថ្ងៃទី២៨ មីនា លោកសុវណ្ណ មករា បាននាំតារាស្រីម្នាក់បម្រុងឡើងឋានសួគ៌ហើយត្រូវអ្នកនាងឈិន សុធារី តាមទាន់ក៏ផ្ទុះសារាយគ្នា។ សន្ដិសុខ និងអ្នកបម្រើកានៅផ្ទះសំណាក់នោះ សុទ្ធតែបានលើកឡើងពីរឿងរ៉ាវនោះ ដោយអះអាងថា ឈិន សុធារី និង លោកសុវណ្ណ មករា ប្រទាញប្រទង់គ្នាខ្លាំង ដើម្បីការពារស្រីស្នេហ៍កុំឲ្យមានរឿងកើតឡើង។ ក្នុងពេលរូបភាពរបួសស្នាមរបស់នាងត្រូវបានបែកធ្លាយបន្ថែម ឈិន សុធារី និងសុវណ្ណ មករា សុទ្ធតែមិនអាចសុំការបំភ្លឺ ដោយទើបតែមុននេះអ្នកទាំងពីរបានចេញមុខបកស្រាយថានោះជារបួសដែលបណ្ដាលមកពី ឈិន សុធារី រអិលធ្លាក់កាំជណ្ដើរ។ ប្រភពដែលបានទម្លាយព័ត៌មានចេញដំបូង បានអះអាងថា ឈិន សុធារី រងសម្ពាធឲ្យឆ្លើយបែបនោះ ដោយសារតែនាងមិនចង់បែកបាក់ជាមួយស្វាមី ហើយអាណិតកូនទាំងពីរ។ យ៉ាងណាក៏ដោយ អ្នកបានដឹងឮពីហេតុការណ៍នោះ បានសម្ដែងការណិតចំពោះ ឈិន សុធារី ដោយសារតែគេបានដឹងថានាងត្រូវហើមផ្នែកដែលមានរបួសដោយសារតែក្ដៅចិត្តស្វាមីមានថ្មី ប៉ុន្តែនាងត្រូវបង្ខំចិត្តឆ្លើយបង្វែង ដើម្បីទុកមុខឲ្យប្ដី ក្នុងន័យច្រានចោលការទម្លាយពីរឿងរបស់ខ្លួននោះ។ ក្រៅពីអាណិត អ្នកតាមដានក៏លើកឡើងផងដែរ ថាស្នាកស្នាមរបស់ឈិន សុធារី ទាំងនៅកំភួនដៃ ជង្គង់ និងកែងដៃ គឺទោះជាមើលយ៉ាងមិចក៏មិនសមនឹងនឹងធ្លាក់កាំជណ្ដើរ៕

ចែកចាយបន្ត