Post News Media ព័ត៌មានសិល្បៈ និងកម្សាន្ត បន្ទាប់ពី​ ឱក...

បន្ទាប់ពី​ ឱក សុគន្ធកញ្ញា ពេជ្រ សុភា ឆ្នាំនេះក៏មានយូរី​ដែរ

ចែកចាយបន្ត

កន្លងទៅ សម្រាប់យូរី ក្នុងអាលប៊ុម​ចូលឆ្នាំម្តងៗ មិនដឹងថា នាងនៅកន្លៀតជញ្ជាំងណានោះទេ ពោលគឺមិនល្បីរន្ទឺ​ដូចឆ្នាំនេះឡើយ​។​

សម្រាប់តារាស្រីដែលល្បីបំផុតក្នុងឱកាស​ចូលឆ្នាំម្តងៗមាន ឱក សុគន្ធកញ្ញា និង ពេជ្រ សុភា ប៉ុន្មានឆ្នាំ​ចុងក្រោយនេះ ដោយមានបទល្បីៗដើម្បីកំដរ​ទស្សនិកជនរាំកម្សាន្ត​ ក្នុងឱកាស​ចូលឆ្នាំ​ខ្មែរ​។

ដោយឡែកសម្រាប់យូរីវិញ ក៏មិនធម្មតាដែរ សម្រាប់ឆ្នាំ​២០១៧ នេះ ដោយបង្ហាញបទចម្រៀងថ្មីរបស់ខ្លួន កក្រើក​ពិភពធុងបាស់ ក្នុងឱកាស​ចូលឆ្នាំខ្មែរ នោះគឺបទ«ចាក់ទឹកដូង» ដែលលាយឡំជាមួយក្បាច់រាំ​ ដ៏ប្លែកនិងអស្ចារ្យ ។​
គេសង្កេត​ឃើញថា បទនេះ​ត្រូវបាន​ទស្សនិកជនយកទៅរាំកម្សាន្តតៗគ្នា បន្ទាប់ពី​បទ «គេរាំអ៊ីចឹង​» របស់ ព្រាប សុវត្ថិ និង ឱក សុគន្ធកញ្ញា ។​

ជាក់ស្តែង​បើយោងតាម​វីដេអូឃ្លិប របស់សាលា ELT ទួលគោក វិញ​គេ​ឃើញ​សិស្សានុសិស្សកំពុងថត រាំបទ «ចាក់ទឹកដូង» យ៉ាងសប្បាយរីករាយ ដោយទទួលការចុចមើលយ៉ាងច្រើនកុះករ​។ យូរី សម្រាប់ឆ្នាំ​២០១៧ ក៏ត្រូវបានគេចាត់ទុកថា ជា​តារាជួរមុខសម្រាប់បទចម្រៀង ក្នុងឱកាស​ចូលឆ្នាំ ដែលកំពុងជ្រកក្នុងផលិតកម្មសាន់ដេ៕​

ចែកចាយបន្ត