Post News Media ព័ត៌មានសិល្បៈ និងកម្សាន្ត សុខ សោម៉ាវត្ត...

សុខ សោម៉ាវត្តី បំបែកសំណុំរឿងស្នេហាជាមួយតារាសម្ដែង តែនៅកីឡាករ

ចែកចាយបន្ត

ខណ:ដែលសារព័ត៌មានច្រើនឡើងបានចុះផ្សាយថា អ្នកមេម៉ាយសុខ សោម៉ាវត្តី និងតារាសម្ដែងម្នាក់គឺ លោកអែតវីន ជាគូស្នេហ៍នឹងគ្នា តារាសម្ដែងរូបនេះបានចេញមុខផ្ដល់សម្ភាសន៍បំបែកការចោទប្រកាន់ទាំងនោះឲ្យអស់មន្ទិល។

ក្នុងនោះនាងក៏បានបញ្ជាក់ថាមិនទាន់នឹងមានស្នេហាផងដែរ បើទោះជាគេសង្ស័យថានាងមានទំនាក់មិនធម្មតាជាមួយកីឡាករវ័យក្មេងម្នាក់។
សុខ សោម៉ាវត្តី បានសារភាពថា អ្នកនាង និងលោក អែតវីន ពិតជាធ្លាប់បានចូលក្លិបរួមគ្នា និងទៅណាមកណានៅពេលរាត្រីជាមួយគ្នាប្រាកដមែន ប៉ុន្តែនាងថាមិនមែនក្នុងន័យស្នេហានោះទេ គឺ គ្រាន់តែបានជួបគ្នាដោយចៃដន្យ ឬជាការណាត់គ្នាក្នុងពេលថតរឿងជាមួយគ្នាប៉ុណ្ណោះ។

នាងថាលោកអែតវីន ជាបុរសសង្សារ និងមានសាច់ដុំធំៗ ដែលជាបុរសក្នុងសុបិន្តរបស់នារីភាគច្រើន ប៉ុន្តែសម្រាប់នាងមិនត្រូវចិត្តនោះទេ ដោយសារតែលោកមានវ័យក្មេងជាង ហើយលោក និងនាងក៏មាននិស្ស័យត្រឹមតែជាមិត្តរួមអាជីព។

នាងថាខ្លួនមិនស្រឡាញ់បុរសវ័យក្មេងនោះទេ ដោយនាងប្រកាសថាកុំថាឡើយទៅមានស្នេហាជាមួយនឹងលោកអែតវីន គឺសូម្បីតែមានស្នេហាជាមួយតារាផ្សេងទៀត ក៏មិនមាននោះដែរ។ ការលើកឡើងនេះ ត្រូវគេចាត់ទុកថាជាការបំបែកសំណុំរឿងស្នេហារវាងនាង និងលោកអែតវីន និងជាមួយកីឡាករម្នាក់ ដែលគេប៉ាន់ស្មានថានាងលាក់បាំង ឲ្យអស់មន្ទិល។

ម្នាក់ៗបានយល់ឃើញថានាងប្រហែលជាមានស្នេហាជាមួយនឹងលោកអែតវីន ជាពិសេសណាមួយ ទើបពេលផ្ទុះឡើងនូវព័ត៌មាននោះ អ្នកនាងមិនអើពើចេញមុខបកស្រាយ។ អ្នកនាងថាខ្លួនមិនទាន់រកឃើញបុរសជាទីស្រឡាញ់នោះទេ ទើបការអះអាងថានេះ មិនខុសពីជួយបំបែករឿងមន្ទិលដែលគេសង្ស័យថានាងមានស្នេហាហើយ ដោយបើមិនមែនជាលោកអែតវីន គឺអាចជាកីឡាករម្នាក់ឲ្យមហាជនជ្រះស្រឡះ។ យ៉ាងណាមិញ គេជឿជាក់ថាថ្វីដ្បិតតែនាងបានបញ្ចប់មន្ទិលជាមួយតារាសម្ដែងលោកអែតវីន ឲ្យគេយល់ឃើញថាមិនមានស្នេហានឹងគ្នាអ៊ីចឹងមែន ប៉ុន្តែនៅមិនមានអ្នកច្រើនទេ ជឿថានាង និងកីឡាករម្នាក់ អត់មានចិត្តចំពោះគ្នា៕

ចែកចាយបន្ត