Post News Media ព័ត៌មានសិល្បៈ និងកម្សាន្ត មាស សម្ផស្ស ជ...

មាស សម្ផស្ស ជំរុញឲ្យ ឈិន សុធារី លែងសុវណ្ណ មករា

ចែកចាយបន្ត

ខណ:ដែលមានការលើកឡើងជាច្រើនថា អ្នកនាងឈិន សុធារី និងលោកសុវណ្ណ មករា ពិតជាលែងគ្នាមិនដាច់ ដោយសារតែអ្នកទាំងពីរមានរឿងយ៉ាងសាំទៅហើយ ប៉ុន្តែនៅតែត្រូវរ៉ូវគ្នាពេលស្ងាត់បញ្ហា អ្នកនាងមាស សម្ផស្ស បានចេញមុខជំរុញឲ្យអ្នកនាងឈិន សុធារី ត្រូវតែដាច់លែងប្ដីបើចង់បាត់បង់សម្ពាធផ្លូវចិត្ត។ នេះជាសារខុសគេ ក្នុងពេលដែលអ្នកលេងហ្វេសប៊ុកភាគច្រើន ជំរុញឲ្យអ្នកទាំងពីរថយមួយជំហានម្នាក់ដើម្បីក្មេងតូច២នាក់ ខណ:ដែលមហាជនភាគច្រើនបានជេរប្រទិចដល់សុវណ្ណ មករា ដើម្បីឲ្យលោកភ្ញាក់ខ្លួន ហើយត្រលប់មករកប្រពន្ធកូនវិញ។

អ្នកនាងមាស សម្ផស្ស បានសរសេរនៅលើហ្វេសប៊ុកពីករណីអ្នកនាងឈិន សុធារី ថា«បើរស់នៅជាមួយគ្នាមានតែភាពផិតក្បត់ គួរតែដើរចេញទៅ»។ នេះជាពាក្យមួយខ្លី បន្ទាប់ពីឈិន សុធារី ដ្បិតថាបានបង្ហាញនូវការឈឺចាប់ ប៉ុន្តែបែរជាមិនច្បាស់ពីជំហរប្ដឹងលែងស្វាមីឲ្យស្របតាមច្បាប់។ ការលើកឡើងរបស់នាងក៏ស្របនឹងស្ថានភាពដែលអ្នកនាងទើបនឹងបានលែងប្ដីអេតាស៊ីវិល ដោយគ្រាន់តែអតីតស្វាមីរបស់នាង មានទំនាក់ទំនងមិនធម្មតាតែមួយលើកជាមួយនារីម្នាក់មុននោះ។ ពាក្យសម្ដីរបស់មាស សម្ផស្ស មិនមែនជាលើកទី១ចំពោះការជំរុញទៅកាន់អ្នកនាង ឈិន សុធារី ឲ្យលែងប្ដីនោះទេ ដ្បិតអ្នកនាងរមែងផ្ដល់គំនិតបែបនេះជាប្រចាំទៅហើយដល់ករណីរបស់នារីផ្សេងទៀតដែលស្ថិតក្នុងស្ថានភាពត្រូវប្ដីផិតក្បត់។ អ្នកនាងថាជីវិតជាភរិយាបើរស់នៅជាមួយមនុស្សផិតក្បត់ គឺមិនខុសពីដាក់សម្ពាធខ្លួនឯងក្នុងការនោះទេ ជាពិសេសចំពោះករណីផិតក្បត់ច្រើនលើកច្រើនសារ។ អ៊ីចឹងហើយទើបអ្នកនាងទទូចដោយសារជំរុញទឹកចិត្តឲ្យអ្នកនាង ឈិន សុធារី រឹងប៉ឹង ហើយហ៊ានដើរចេញពីស្វាមី ដើម្បីបញ្ចប់បញ្ហា។ ប្រយោគមួយឃ្លារបស់អ្នកនាងត្រូវគេមើលឃើញថាមានឥទ្ធិពលគ្រប់គ្រាន់ជំរុញឲ្យអ្នកនាង ឈិន សុធារី បញ្ចប់ស្ថានភាពដែលធ្លាប់ចម្រូងចម្រាស់ ដោយមិនទទួលយកលោកសុវណ្ណ មករា ដូចមុន បើទោះជាលោកត្រលប់ក្រោយ។ យ៉ាងណាមិញលោកសុវណ្ណ មករា បានប្រកាសហើយថាលោកមិនត្រលប់ក្រោយនោះទេ ដោយលោកប្រកាសថាមិនអាចបន្តខ្មាស់នាងបន្តទៀត និងថាអស់និស្ស័យជាមួយអ្នកនាងឈិន សុធារី ទៅហើយ។ មាស សម្ផស្ស និយាយថា ករណីរបស់ឈិន សុធារី គឺជារឿងច្រើនលើក ទើបនាងយល់ថាមានការដើរចេញប៉ុណ្ណោះ អាចបញ្ចប់នូវការឈឺចាប់របស់នាងបាន បើទោះជាឈិន សុធារី មានកូន២នាក់ក្នុងបន្ទុក៕