Post News Media ព័ត៌មានសិល្បៈ និងកម្សាន្ត ទម្លាយទំនាក់ទ...

ទម្លាយទំនាក់ទំនងស្នេហ៍ Amber Heard ជាមួយកំលោះមហាសេដ្ឋី

ចែកចាយបន្ត

នៅទីបំផុតកំលោះមហាសេដ្ឋស្ដុកស្ដម Elon Musk បានបណ្ដើរតារាស្រី Amber Heard ជាសាធារណ: បើទោះបីជានាងមិនធ្លាប់បានប្រកែកការណាត់ជួបគ្នាច្រើនដងក្ដី ។

ថ្មីៗប៉ុន្មានថ្ងៃនេះ សារព័ត៌មាន Us Weekly បានចេញផ្សាយឲ្យដឹងថា តារាស្រីល្បីឈ្មោះ Amber Heard បានបណ្ដើរគ្នា កាន់ដៃសង្សារយ៉ាងមានសេចក្ដីសុខតាមទីសាធារណ:ជាមួយកំលោះសង្ហារ មហាសេដ្ឋីស្ដុកស្ដម Elon Musk នៅលើទឹកដីប្រទេស អូស្ដា្រលី ។

សូមជម្រាបថា Amber Heard ទើបតែមានរឿងក្ដីលែងលះជាមួយអតីតស្វាមីនាយ Johnny Depp កាលពី ៣ ខែកន្លងទៅមុននេះប៉ុណ្ណោះ ហើយនាងក៏បានបង្កាត់ភ្លើងស្នេហ៍ថ្មីក្ដៅៗភ្លាមៗជាមួយមហាសេដ្ឋីកំលោះរូបនេះ ។

គួរកត់សម្គាល់ថា ការបញ្ចេញទំនាក់ទំនងស្នេហាថ្មីនេះ តារាស្រីស្រស់ស្អាតវ័យ ៣១ ឆ្នាំខាងលើ បានបង្ហើបប្រាប់ថា នាងធ្លាប់ជួបជាមួយមិត្តប្រុសនាយ Elon Musk កាលពីឆ្នាំ២០១៣ ម្ដងហើយនៅក្នុងកម្មវិធីសម្ភោធរឿង “Machete Kills” ក៏ប៉ុន្ដែនៅគ្រានេះ នាងមិនមានអ្វីលើសពីមិត្តភក្ដិឡើយ បើទោះបីជាមហាសេដ្ឋីរូបនេះព្យាយាមទាក់ទងនាង ណាត់ជួបគ្នាជាច្រើនដងក្ដី ៕