Post News Media ព័ត៌មានសិល្បៈ និងកម្សាន្ត ពែកមី សារភាពច...

ពែកមី សារភាពច្រៀងដៀលអ្នកស្និទ្ធិស្នាលម្នាក់

ចែកចាយបន្ត

ក្រោយចេញបង្ហោះបទ«ច្បាស់អីអំបិលហ្នឹង»តារាកំប្លែងលោកចែម ចាន់ដារ៉ា ហៅពែកមី បានសារភាពថាបទដែលបានច្រៀងនេះគឺពិតជាបានច្រៀងដៀលដល់អ្នកញៀនភ្នាល់បាល់ម្នាក់ដែលលោកអះអាងថាអ្នកដែលលោកសំដៅទៅនោះគឺកូនក្រុមក្នុងក្រុមបាល់ទាត់របស់ខ្លួន។

យ៉ាងណាមិញ កូនក្រុមរបស់ខ្លួនម្នាក់នោះសុខចិត្តអត់បាយឲ្យតែបានភ្នាល់បាល់ ហើយជានិច្ចជាកាលគេចាញ់ពីការភ្នាល់បាល់នេះស្ទើរអស់ពីខ្លួនម្ដងៗ ប៉ុន្តែនៅតែមិនរៀង ទើបលោកសម្រេចចិត្តធ្វើបទនេះលេង ដើម្បីដៀលផង និងរំលឹកផងឲ្យគេភ្ញាក់ខ្លួន។ លោកថាល្បែងភ្នាល់បាល់ត្រូវបានគេបំបិទមិនឲ្យកើតមានទេ ប៉ុន្តែការភ្នាល់នៅលើOnline នៅតែមានគគ្រឹកគគ្រេងទើបអ្នកចូលចិត្តចាក់ភ្នាល់បូករួមទាំងសមាជិកក្នុងក្រុមបាល់ទាត់របស់លោកដែលលោកច្រៀងសំដៅនេះផង ងប់ងល់នឹងការចាក់ភ្នាល់រហូតមិនខ្វល់រឿងអស់លុយអស់កាក់។ លោកទទូចឲ្យមានវិធានការលើករណីនេះ ដោយលោកបញ្ជាក់ថាសកម្មភាពចាក់ភ្នាល់តាមប្រព័ន្ធOnline រឹតតែមានសកម្មភាពខ្លាំងជារៀងរាល់ថ្ងៃនេះ។លោកថាអ្នកចូលចិត្តភ្នាល់បាល់ តែច្បាស់ថាគូដែលខ្លួនទស្សន៍ទាយនឹងឈ្នះទើបហ៊ានយកលុយទៅភ្នាល់ ប៉ុន្តែចុងក្រោយគឺមិនខុសពីអំបិលនោះទេដោយសារតែការប្រកួតបាល់គឺមិនមែនសុទ្ធតែក្រុមល្អនឹងឈ្នះ។ លោកថាបទនេះគ្រាន់តែផលិតច្រៀងលេងប៉ុណ្ណោះ តែបើមានការគាំទ្រក៏នឹងថតជាMV ដើម្បីពញាក់អារម្មណ៍ដល់អ្នកញៀនភ្នាល់បាល់ឲ្យភ្ញាក់រលឹកផងដែរ៕

ចែកចាយបន្ត