Post News Media ព័ត៌មានសិល្បៈ និងកម្សាន្ត ពេជ្រ សោភា សម...

ពេជ្រ សោភា សម្ងំថតរឿងភាគទូរទស្សន៍ ក្នុងតំណែងជាតួបងស្រី

ចែកចាយបន្ត

មានការភ្ញាក់ផ្អើលគួរសមបន្ទាប់ពីមានដំណឹងថាលោកព្រាប សុវត្ថិ និងឱក សុគន្ធកញ្ញា បានតំណែងជាតួឯកក្នុងរឿងភាគថ្មីមួយរបស់ហង្សមាសដែលបានដំណើរចេញថតមួយរយ:ហើយ តារាចម្រៀងពេជ្រ សោភា ឯណេះវិញក៏មានដំណឹងថាទទួលបានតំណែងតួឯកធំម្នាក់នៅក្នុងភាពយន្តភាគមួយរបស់ទូរទស្សន៍ហង្សមាសផងដែរ ដោយនាងបានសារភាពថាពិតជាសម្ងំថតមែន ដោយសឹងនឹងធ្វើឲ្យអ្នកនាងរកពេលសម្រាកមិនបាននោះផង។ យ៉ាងណាមិញ អ្នកនាងប្រកាសថាមិនទាន់ទម្លាយព័ត៌មានលម្អិតនោះទេដោយសារតែនោះគឺជាគោលការណ៍របស់ក្រុមហ៊ុន។

តារាសិល្ប:មួយរូបបានអះអាងភាពយន្តដែលត្រូវបានគេបិទចំណងជើងនោះ គឺពេជ្រ សោភា ត្រូវគេឲ្យសម្ដែងជាតួបងស្រីមានចរឹតឆ្នាស់ឆ្នើមគឺស្រដៀងនឹងចរឹតខាងក្រៅ ដោយនាងត្រូវគេសម្ដែងកាច់កុងជាមួយអ្នកនាង ខាត់ សុឃីមនោះផង ទើបខ្សែរឿងភាគនេះគ្រាន់តែមានការទម្លាយភ្លាមក៏មានការចាប់អារម្មណ៍ភ្លែត ដោយសារតែរឿងមួយនេះក៏ស្នាដៃដំបូងរបស់អ្នកនាងពេជ្រ សោភា ដូចគ្នា។

អ្នកនាងខាត់ សុឃីម បានអះអាងថារឿងនោះអ្នកនាង និងអ្នកនាងពេជ្រ សោភាពិតជាបានសម្ដែងរួមគ្នាមែន ដោយអ្នកនាងប្រកាសថាអ្នកនាងពេជ្រ សោភា មិនមែនជាតួឯកនោះទេ ប៉ុន្តែអ្នកនាងថាអ្នកនាងពេជ្រ សោភា គឺជាតួអង្គធំក្នុងរឿង។ អ្នកនាងបដិសេធបញ្ជាក់ពីចំណងជើងរឿងដូចគ្នានឹងពេជ្រ សោភា ដោយគ្រាន់តែអះអាងថារឿងហ្នឹងគឺអ្នកនាង និងពេជ្រ សោភា ត្រូវសម្ដែងជារបៀបឈ្លោះគ្នា និងកាច់កុងគ្នា។

ពេជ្រ សោភា ដែលមានបំណងមិនចង់បង្ហើបឲ្យដឹងពីរឿងហ្នឹង បានអះអាងថាអ្នកនាងពិតជាសម្ងំនៅថតរឿងមែន ដោយអ្នកនាងបានចាត់ទុកថានេះជាស្នាដៃដំបូងក្នុងជីវិតជាអ្នកសិល្ប:របស់នាងដែលនាងបានសម្ដែងជាតួក្នុងភាពយន្តភាគ។ អ្នកនាងថាខ្លួនមិនមែនជាតួឯកទេ តែក៏ដូចជាតួឯកដែរដោយសារតែក្នុងរឿងនោះគឺសាច់រឿងចេញពីអ្នកនាង និងតួអង្គសំខាន់មួយចំនួនទៀតក្នុងរឿង។ អ្នកនាងបញ្ជាក់ថាតាំងពីបានសម្ដែងកុនអ្នកនាងអត់បានហ្វឹកហាត់ក្បាច់រាំមួយរយ:មកហើយ ដោយការសម្ដែងរឿងដ្បិតថាបានជួបជុំតារាសប្បាយច្រើនមែន តែក៏ហត់ខុសពីការថតMV និងច្រៀងផងដែរ។ អ្នកនាងថាខ្លួនចេញថតរឿងច្រើនថ្ងៃហើយ ប៉ុន្តែខាងផលិតករអត់តម្រូវឲ្យផុស ឬបង្ហោះពីការសម្ដែងនោះទេ ទើបការសម្ដែងរឿងរបស់នាងមិនត្រូវបានគេដឹងច្រើនមកទល់ពេលនេះ៕