Post News Media ព័ត៌មានសិល្បៈ និងកម្សាន្ត សៅ ឧត្តម កុងត...

សៅ ឧត្តម កុងត្រាធ្វើតារាសម្ដែងផ្ដាច់មុខ ៣ឆ្នាំ

ចែកចាយបន្ត

មានការភ្ញាក់ផ្អើលគួរសមក្នុងពេលដែលតារាចម្រៀងដែលត្រូវគេស្គាល់ថាជាអតីតបេក្ខភាព Cambodian Idol លោក សៅ ឧត្តម មិនប្រកាសឲ្យដឹងពីការកុងត្រាចូលច្រៀងនៅក្នុងផលិតកម្មណាមួយ តែបានប្រកាសថាទើបនឹងបានកុងត្រាផ្ដាច់មុខឲ្យផលិតកម្ម LD ដើម្បីឈោងចាប់អាជីពសម្ដែង។ យ៉ាងណាមិញ លោកថាមិនចោលអាជីពចម្រៀងនោះទេ ដោយគ្រាន់តែលោកសម្រេចចិត្តសម្ដែងរឿងជាច្រើនផ្ដាច់មុខឲ្យផលិតកម្មដែលលោកកុងត្រា ពេញរយ:ពេល៣ឆ្នាំ ខុសពីតារាចម្រៀងផ្សេងទៀតតែប៉ុណ្ណោះ។

លោកសៅ ឧត្តម និយាយថាដោយសារតែមានចំណូលចិត្តក្នុងការសម្ដែងផងដែរទើបលោកសម្រេចចិត្តកុងត្រារហូតដល់៣ឆ្នាំ ដើម្បីសម្ដែងរឿងភាគ និងរឿងដុំឲ្យផលិតកម្ម LD ក្នុងពេលអាជីពចម្រៀងរបស់លោកមានការរីកចំរើនយឺតជាង។ លោកថាផលិតកម្ម LD បានផ្ដល់ឱកាសឲ្យលោកសម្ដែងជាតួចកាចចិត្តអាក្រក់ ហើយដោយលោកក៏អាចសម្ដែងបានធ្វើឲ្យខាងផលិតករពេញចិត្ត ទើបខាងផលិតទាមទារកុងត្រា ស្របគ្នាដែលលោកក៏ព្រមទទួល។ លោកថាផលិតកម្មបានកំណត់ឲ្យលោកសម្ដែងពី៣ទៅ៤រឿងក្នុងមួយឆ្នាំ តែបានបំបិទមិនឲ្យលោកសម្ដែងណាមួយនៅក្នុងផលិតកម្មផ្សេងទៀតនោះទេ ប្រសិនបើគ្មានការអនុញ្ញាតិ លើកលែងតែអាជីពចម្រៀងដែលអាជីពមួយផ្សេងដែលខាងLD មិនដាក់សម្ពាធ។ លោកថាផលិតកម្មមិនបានកំណត់ថាឲ្យលោកសម្ដែងតួឯកនោះទេ ដោយគ្រាន់តែដាក់គម្រោងឲ្យលោកសម្ដែងជាតួធំម្នាក់នៅក្នុងផ្ទៃរឿងប៉ុណ្ណោះ អ៊ីចឹងហើយទើបលោកយល់ថាបើទោះមិនបានសម្ដែងតួឯក តែលោកនឹងលេចធ្លោសម្រាប់អាជីពសម្ដែង។ លោកថានេះជាការបោះជំហានមួយថ្មី ប៉ុន្តែលោកក៏នឹងស្វះស្វែងផលិតបទចម្រៀងផ្ទាល់ខ្លួនដើម្បីវាយលុកទីផ្សារផងដែរ បន្ថែមពីលើជោគជ័យអាជីពសម្ដែងដែលទើបទទួលបាន។ លោកថាការសម្ដែងជាតួចិត្តអាក្រក់ ឬតួរំលោភ មិនភ័យរឿងអ្នកគាទ្រស្អប់នៅពេលលោកចេញច្រៀងនោះទេ ដោយលោកយល់ថាអាជីពសម្ដែងគឺសិល្ប: ហើយផ្ទុយទៅវិញ គឺមហាជននឹងទទួលស្គាល់ចំពោះសមត្ថភាពរបស់លោក។ លោកថាផលិតកម្មLD បានដាក់ឲ្យលោកសម្ដែងបានប៉ុន្មាថ្ងៃហើយ ដោយរឿងថ្មីរបស់លោកគឺមិនទាន់ដឹងថាថតចប់ពេលណា និងដាក់បញ្ចាំងនៅពេលណាទេ៕