Post News Media ព័ត៌មានសិល្បៈ និងកម្សាន្ត ស្វែង សុជាតា ...

ស្វែង សុជាតា រំលេចសម្រស់ជាកូនក្រមុំ ក្រោយចង់រៀបការ!

ចែកចាយបន្ត

ក្រោយពីឡើងប្រកាសគម្រោងចង់រៀបការ តែមិនមានលទ្ធភាព បន្ទាប់ពីវិលត្រូវរ៉ូវជាមួយប្ដីក្មេងជាថ្មី អ្នកនាងស្វែង សុជាតាក៏បានតែងតួជាកូនក្រមុំដូចការចង់បាន បើទោះជានាងត្រូវប្ដូរកូនកំលោះក្នុងក្ដីស្រម៉ៃរបស់ខ្លួននោះក៏ដោយ។

អ្នកនាងថាសប្បាយចិត្ដ ដែលក្ដីស្រម៉ៃចង់ធ្វើជាកូនក្រមុំ ចង់តុបតែងកាយជាកូនក្រមុំហើយស្រាប់តែម្ចាស់សម្អាងការមួយ បានជ្រើសអ្នកនាងឲ្យថតម៉ូដឲ្យ ដោយអ្នកនាងបានទាំងចាត់ទុកថាសម្អាងការនោះជួយប្រែកាយឲ្យអ្នកនាងក្លាយជានារីស្រស់ស្អាតម្នាក់នោះផង។

អ្នកនាងស្វែង សុជាតា និយាយថា តាំងពីចូលប្រឡូកសិល្ប: អ្នកនាងមិនធ្លាប់ត្រូវបានសម្អាងការណាមួយទាក់ទងឲ្យថតម៉ូដសម្អាងការនោះទេ គឺបានត្រឹមតែស្លៀកសម្លៀកបំពាក់រៀបការនៅថ្ងៃរៀបការក្រមុំកំលោះខ្លួនឯង និងពេលថតរឿងប៉ុណ្ណោះ ទើបអ្នកនាងរមែងស្រម៉ៃចង់ធ្វើកូនក្រមុំជាថ្មីម្ដងទៀតនៅពេលអ្នកនាងសម្រេចចិត្តជ្រើសយកលោក ថោង សុខុម ជាគ្រូឱសថបុរាណជាស្វាមី។

អ្នកនាងថាខ្លួនមានបំណងសំពះផ្ទឹមមិនដែលបោះបង់ក្ដីសុបិន្តនោះទេ ដោយសារតែអ្នកនាងនៅចង់តែងកូនក្រមុំឲ្យបានស្រស់ស្អាតម្ដងទៀត មុនពេលអ្នកនាងធ្លាក់សម្រស់ និងចាស់ឆ្នាំជាងនេះ។ អ្នកនាងថាខានឃើញសម្រស់ខ្លួនឯងតែងតួជាកូនក្រមុំ ដែលមានឈុតស្អាតៗប្ដូរសម្រស់ឲ្យបែបនេះជាយូរមកហើយ ទើបអ្នកនាងយល់ថាឱកាសថតសម្អាងការឲ្យម្ចាស់សម្អាងការជាលើកដំបូងនេះ គឺជាអ្វីដែលត្រូវនឹងបរិបទនៃក្ដីស្រម៉ៃរបស់អ្នកនាង ដែលចង់តែងខ្លួនជាកូនក្រមុំម្ដងទៀត។

សូមទស្សនាសម្រស់អ្នកនាងស្វែង សុជាតា ក្រោយតែងតួជាកូនក្រមុំ ប៉ុន្មានម៉ូដខាងក្រោម៖