Post News Media ព័ត៌មានសិល្បៈ និងកម្សាន្ត ពីង រ៉ូហ្សា ដ...

ពីង រ៉ូហ្សា ដល់ថ្នាក់ប្រកាសរកសង្សារ

ចែកចាយបន្ត

ខុសពីការទស្សន៍ទាយដែលថាតារាសម្ដែងនាង ពីង រ៉ូហ្សា កាន់តែឡើងកាលីប ហើយក៏ទំនងជាមានបុរសទ្រព្យស្ដុកក្រសោបបានបេះដូងបាត់នៅពីក្រោយខ្នងទៅហើយនោះ បែរជាអះអាងថាស្ថិតក្នុងភាពឯកាមិនទាន់មានអ្នកស្រឡាញ់ និងចង់ប្រកាសរកមនុស្សម្នាក់ដើម្បី ឲ្យមានគូស្នេហ៍បណ្ដើរទៅណាមកណាទៅវិញ។ នាងនៅតែអះអាងថាមិនទាន់មានអ្នកស្រឡាញ់នៅឡើយទេ ដ្បិតតែអ្នកតាមស្រឡាញ់ក្នុងពេលមិនទាន់ពិចារណាបាត់ស្រមោលអស់គ្មានសល់។

ចាត់ទុកថាជាការចាប់អារម្មណ៍មួយដែរ ដែលកញ្ញា ពីង រ៉ូហ្សា បានប្រកាសដោយបើកចំហរថាកញ្ញាមិនទាន់មានស្នេហានោះទេ គឺបានទាំងស្នើឲ្យអ្នកដែលចង់បាននាងជាគូគ្រងក្លាហានចូលខ្លួនមកឲ្យបានឆាប់។ នាងសារភាពថានាពេលកន្លងមកក្នុងពេលដែលនាងរវល់នឹងការការសម្ដែងហើយមិនមានពេលវេលាធ្វើការពិចារណាបុរសតាមស្នេហ៍ គឺពិតជាមានបុរសតាមស្នេហ៍យ៉ាងស្អិតជិតកាយប្រាកដមែន ប៉ុន្តែដល់ពេលនាងមានពេលគ្រប់គ្រាន់ដើម្បីធ្វើការពិចារណា គឺបុរសទាំងនោះបែរជាបាត់ស្រមោលអស់។ នាងចាត់ទុកថាខ្លួនឯងឈរលើចំណុចអ្នកក្រមិនហ៊ាន អ្នកមានមិនចូល ទើបធ្វើឲ្យនាងកាន់តែមានអារម្មណ៍ឯកោនៅពេលតារាសិល្ប:ច្រើនឡើង សុទ្ធតែមានគូស្នេហ៍បង្អួតមហាជន។ នាងថាតារាសិល្ប:មិនសុទ្ធតែសំបូរស្នេហ៍នោះទេ ជាពិសេសសម្រាប់តារាស្រីទាំងឡាយណាដែលមមាញឹកនាងការងារសម្ដែងច្រើនជាងទំនេរនៅស្ងៀមដូចជានាងជាដើម។

យ៉ាងណាមិញនាងថាមិនដោយសារតែហេតុផលចង់បានសង្សារ ក៏ចេះតែទទួលដោយមិនមើលមុខមើលក្រោយនោះទេ ដោយសារតែនាងក៏មិនចង់មានឈ្មោះមេម៉ាយខាន់ស្លា ឬត្រូវសង្សារបែកចិត្តក្រោយពេលភពប្រសព្វ។

ពីង រ៉ូហ្សា និយាយថារាល់ថ្ងៃនាងកាន់តែរីកចំរើនលើការងារសម្ដែង ជាពិសេសគឺការសម្ដែងរឿងភាគទូរទស្សន៍ ដោយមុននេះបន្តិចនាងក៏បានតំណែងធំមួយក្នុងរឿង«សំបុត្រចោលទុក្ខ»ដែលជារឿងមានរហូតដល់១០០ភាគរបស់ទូរទស្សន៍ My TV ផងដែរ ។ នាងក៏ទើបតែបានតំណែងពិធីការិនីក្ដៅៗដែលជួយលើកមុខលើកមុខមាត់បន្ថែមពីលើការសម្ដែង ទើបធ្វើឲ្យគេហាក់ពិបាកជឿថាតារាដែល ស្រស់ស្អាតដូចនាង ហើយឡើងកាលីពប៉ុណ្ណឹងដែរ មិនគួរនឹងអត់អ្នកស្រឡាញ់។ នាងនៅតែអះអាងថាខ្លួនពិតជាអត់មានអ្នកស្រឡាញ់ ទើបនាងសម្រេចចិត្តប្រកាសជាចំហរថានឹងធ្វើការពិចារណារកបុរសដែលមានលក្ខណ:សម្បត្តិសមរម្យណាម្នាក់មកធ្វើជាគូជីវិត ប្រសិនបើបុរសម្នាក់នោះក្លាហានចូលមកសួរនាំ ហើយបង្ហាញឲ្យនាងដឹងថាគេមិនមែនយកស្នេហារបស់នាងជាល្បែង៕

ចែកចាយបន្ត