Post News Media ព័ត៌មានសិល្បៈ និងកម្សាន្ត សុខ ជំនោរ ប្រ...

សុខ ជំនោរ ប្រដូចការឈឺចាប់របស់ប្អូនស្រី នឹងការឈឺចាប់របស់លោកទៀ បាញ់!

ចែកចាយបន្ត

បន្ទាប់ពីមានព័ត៌មានថាលោកទៀ បាញ់ ដែលអ្នកណាស្គាល់ថាគឺជាមេទ័ពខ្មែរល្បីឈ្មោះ បានសម្រេចចិត្តចូលធ្វើទាហានតាំងពីអាយុ១៥ឆ្នាំ ដោយសារតែការឈឺចាប់ និងគំនុំរឿងគេធ្វើបាបប្អូនស្រីនោះ អ្នកនិពន្ធល្បីឈ្មោះល្បីសុខ ជំនោ ក៏បានប្រកាសដូចគ្នាដែរថាលោកសុខចិត្តសម្រេចចិត្តជាន់ដីតុលាការដែលកន្លងមកលោកមិនដែលចង់ទាល់តែសោះ ក៏ដោយសារតែការឈឺចាប់បែបនេះដូចគ្នា។

លោកបានបង្ហោះប្រដូចពីការឈឺរបស់ខ្លួន និង ប្អូនស្រី ថាមានចំណុចមិនខុសគ្នាពីការឈឺចាប់របស់លោកទៀ បាញ់ នោះទេ ដោយគ្រាន់តែការឈឺចាប់ទាំង២ស្ថិតក្នុងបរិបទខុសគ្នា និងមានលទ្ធផលមិនដូចគ្នា។

លោកបានសរសរប្រដូចថា«ឈឺចាប់សម័យសង្រ្គាមគាត់(ទៀ បាញ់)គាត់ចេញតស៊ូ ឈឺចាប់សម័យតេជោ ឲ្យរកតុលាការ!»។ ការលើកឡើងរបស់លោកមានន័យយ៉ាងច្បាស់បង្ហាញពីការឈឺចាប់ ដែលត្រូវគេដឹងថាទប់លែងបាន ទើបបណ្ដាលឲ្យលោកសម្រេចចិត្តដាក់បណ្ដឹងទៅដល់តុលាការ។ នាពេលកន្លងគេដឹងយូរមកហើយ ថាលោកមិនមែនជាមនុស្សចូលចិត្តប្រឈមនឹងតុលាការនោះទេ ដោយសូម្បីតែរឿងរ៉ាវបែកបាក់ជាមួយអតីតភរិយាដែលស្រឡាញ់ស្មើជីវិត ក៏លោកធ្វើឡើងស្ងប់ស្ងាត់ មិនឆ្លងកាត់តុលាការនោះដែរ។ បានស្ដាប់ពីការលើកឡើងរបស់លោកបានធ្វើឲ្យគេឃើញភ្លាមថាលោកសម្រេចចិត្តដាក់បណ្ដឹងដោយសារតែការឈឺចាប់ និងចង់បានយុត្តិធម៌ គឺមិនខុសគ្នាពីលោកទៀ បាញ់ កាលពីសម័យសង្គ្រាម គឺដោយសារតែការឈឺចាប់ក៏ចូលធ្វើទាហានរហូតបានក្លាយជាមេទ័ពខ្មែរមួយរូបដូច្នេះទេ។

ខ្លឹមសារនៃការបង្ហោះរបស់លោកសុខ ជំនោ បានស្ដែងយ៉ាងច្បាស់ថាលោកថាស្រេកឃ្លានយុត្តិធម៌ពីដែនតុលាការ ហើយទំហំនៃការឈឺចាប់នឹងធ្វើឲ្យលោកមិនចុះចាញ់នៅពាក់កណ្ដាលទីនោះទេ បើទោះជាការដាក់បណ្ដឹងរហូតដល់១ឆ្នាំមកហើយ នៅតែមិនអាចធ្វើអ្វីដល់អតីតសង្សារកញ្ញា វ៉ានីឡា ប្អូនស្រីរបស់លោកនៅឡើយ។

លោកសុខ ជំនោ បានប្រដូចការឈឺចាប់របស់លោកនឹងការឈឺចាប់របស់មេទាហានលោកទៀ បាញ់ ដោយលោកនិយាយថាបើការឈឺចាប់នេះស្ថិតក្នុងបរិបទនៃសម័យសង្គ្រាម គឺចូលធ្វើទាហារក៏ត្រូវធ្វើដែរដើម្បីអាចឲ្យគ្រួសារលោក និងប្អូនស្រីមានយុត្តិធម៌។ ការប្រដូចពីការឈឺចាប់របស់លោកមិនខុសពីខោកចំណាត់ការរបស់តុលាការនោះទេ ដែលកាន់ពាក្យបណ្ដឹងរបស់លោកច្រើនខែមកហើយ ប៉ុន្តែនៅតែបានត្រឹមកោះហៅៗហើយចុងក្រោយភាគីខាងលោកគុយ សិទ្ធិស័ក្ដ ដែលបានប្រើអំពើហិង្សារ និងបង្ហោះរូបអាក្រាតបំពានប្អូនលោកនៅតែមិនចូលដោះស្រាយ។

យ៉ាងណាមិញលោកថា តុលាការនឹងមានវិធានការលើករណីនេះ ដោយមិនបន្តអូសបន្លាយដដែលជាដដែលទៀតទេ ដើម្បីកុំឲ្យមានការរិះគន់ពី ហើយនាំឲ្យមហាជនអស់ជំនឿទុកចិត្ត៕