Post News Media ព័ត៌មានសិល្បៈ និងកម្សាន្ត អ៊ិន សុភិន ប្...

អ៊ិន សុភិន ប្រកាសយកកូនស្រី ប៉ែន ចំរ៉ុង ធ្វើកូនបង្កើត

ចែកចាយបន្ត

បើទោះជាមានកូន៣នាក់ធំៗទៅហើយ ក៏ម្ចាស់ផលិតកម្មល្បីឈ្មោះលោក អ៊ិន សុភិន បានអះអាងថា បានយកកូនស្រីលោក ប៉ែន ចំរ៉ុង មកធ្វើជាកូនបង្កើតរបស់ខ្លួន បើទោះមិនមានការចុះបញ្ជីផ្លូវការ ដើម្បីឲ្យ ភិន សុដាលីស បានរួចបន្ទុកហើយមានសេរីភាពទៅណាមកណាមិនខុសពីក្រមុំ។

លោកថារាល់ថ្ងៃខ្លួនបានបំពេញតួនាទីលើសពីជីតាទៅទៀត ដោយអាចនិយាយបានថាលោក និងភរិយា មិនខុសពីឪពុកម្ដាយរបស់កូនស្រី ភិន សុដាលីស នោះទេ ដោយលោកបានចាត់ទុកថា ក្មេងតូចម្នាក់នេះ គឺជាកូនពៅរបស់ខ្លួន ដែលធ្វើឲ្យជីវិតរបស់លោកមានន័យនោះផង។ លោកអ៊ិន សុភិន និយាយថា បើធៀបនឹងជីតាទូទៅ គឺលោកលើសហើយ ដោយសារតែក្រៅពីជួយសម្រួលក្នុងការមើលថែចៅស្រី គឺលោកបានបំពេញតួនាទីដូចជាឪពុកបង្កើតតែម្ដង ខណ:ដែលក្នុងពេលខ្លះគឺ ភិន សុដាលីស មិនបាននឹងដឹងសុខទុក្ខរបស់កូនស្រី បានស្មើលោក និងភរិយានោះផង។ លោកថាសប្បាយចិត្តដែលភិន សុដាលីស ឲ្យលោកបំពេញតួនាទីមិនខុសពីឪពុករបស់កូននាង ក្នុងពេលដែលកូនស្រីនេះ គឺកាន់តែធំ គឺកាន់តែធ្វើឲ្យលោកកក់ក្ដៅ ជាពិសេសនៅពេលនាងចេះសើច និងចេះលេងជាមួយលោករាល់ពេលមើលថែ។

លោកថារាល់ថ្ងៃកូនស្រីរបស់លោកប៉ែន ចំរ៉ុង មិនខុសពីមានឪពុកនោះទេ ដោយសារតែគ្រប់កាល:ទេស: គឺលោកជាអ្នកមើលទុក្ខធុរ:គ្រប់យ៉ាង តាំងពីយកទៅពេទ្យ យកដើរលេង និងឆ្លៀតចេញធ្វើការទៅលេងជាមួយ។ លោកចាត់ទុកថា លោកមានកូនបង្កើតទី៤ ដោយបានអះអាងថាធ្វើការរាល់ថ្ងៃ ឬចេញទៅណាមកណា អារម្មណ៍នៅតែជាមួយក្មេងតូចនេះប៉ុណ្ណោះ។ លោកថាខ្លួនមានកូនធំ៣នាក់រួចហើយ តែលោកបែរជាមានអារម្មណ៍ដូចមានកូនតូចម្នាក់ទៀត ក្រោយពីក្មេងនេះកាន់តែគួរស្រឡាញ់។ ជាមួយបទពិសោធន៍មើលថែកូនប្រុសស្រីដល់ទៅ៣នាក់ហើយ លោកថាគួរតែធុញនឹងមានក្មេងតូច ប៉ុន្តែមកពីកូនភិន សុដាលីស អត់មានឪពុក ហើយតាំងពីឃើញមុខមកគឺអាណិតពេញទ្រូង ទើបលោកស្រឡាញ់លើសពីចៅ ដោយចាត់ទុកថាគឺកូនទី៤របស់ខ្លួន។

លោកប្រកាសត្រៀមចំណែកទុកឲ្យកូនស្រីរបស់ភិន សុដាលីស បន្ទាប់ពីបានចាត់ទុកថាចៅនោះមិនខុសពីគ្នា ពីកូនម្នាក់របស់ខ្លួន ដោយលោកបញ្ជាក់ថាបំណាច់នាងកើតមកមិនមានឪពុកទៅហើយ គឺលោកត្រូវតែដើរតួជាឪពុក ដោយក្រៅពីបំពេញតួនាទីមើលថែ ផ្គត់ផ្គង់ការរៀនសូត្រ ថ្នាក់ថ្នម និងបានទាំងបែងចែកទ្រព្យទុក ដើម្បីឲ្យនាងធំឡើងមិនភ័យរឿងអនាគតនោះផង។ ក្នុងនោះលោកក៏បានគូសវាសផ្លូវដើរឲ្យភិន សុដាលីស ផងដែរ ដើម្បីឲ្យកូនស្រីរបស់នាងកាន់តែមានអនាគត៕