Post News Media ព័ត៌មានសិល្បៈ និងកម្សាន្ត តារាជួរមុខថៃ ...

តារាជួរមុខថៃ ប្រកាសមកសម្ដែងនៅកម្ពុជា!

ចែកចាយបន្ត

យោងតាមការបង្ហោះនៅលើហ្វេសប៊ុក តារាចម្រៀងថៃ ដែលត្រូវបានគេស្គាល់ថាជាតារាសម្ដែងល្បីឈ្មោះផងលោក James នឹងមកសម្ដែងកម្ពុជា ដោយការបង្ហាញរបស់លោកក៏ដើម្បីគម្រោងសប្បុរសធម៌នៅកម្ពុជាផងដែរ។ ដំណឹងមកកម្ពុជារបស់លោកបានទទួលនូវការចាប់អារម្មណ៍យ៉ាងខ្លាំង ខណ:ដែលអ្នកបោះទុនអញ្ជើញលោកឲ្យច្រៀង និងបង្ហាញខ្លួននៅកម្ពុជា គឺក្លឹបកម្សាន្តល្បីឈ្មោះមួយនៅកម្ពុជា។

ព័ត៌មានដែលបានទម្លាយចេញពីក្លឹបកម្សាន្តEmpire Club ដែលជាចំណាយទាំងស្រុងក្នុងការអញ្ជើញលោកJames ឲ្យមកកម្ពុជា បានអះអាងថា លោកJames នឹងបង្ហាញខ្លួនច្រៀងរាំនៅកម្ពុជានៅយប់ថ្ងៃទី១៣ តុលា ឆ្នាំ២០១៧នេះ ដោយការច្រៀងរាំរបស់លោកនឹងស្ថិតក្នុងក្លឹបកម្សាន្ត Empire តែម្ដង។ តារាចម្រៀងរូបសង្ហារូបនេះប្រកាសអង្រួនប្រិយមិត្ត ដោយមានការរំពឹងថានឹងកក្រើកក្លឹបEmpire Club ស្ថោតនៅក្បែរកោះពេជ្រ ខណ:ដែលក្នុងយប់នោះ ក៏មានតារាល្បីៗរបស់កម្ពុជាបង្ហាញខ្លួនផងដែរ។ ក្រៅពីការច្រៀងរាំលោកប្រកាសបង្ហាញភាពជិតស្និទ្ធិជាមួយអ្នកគាំទ្រនៅកម្ពុជា ដោយរាំរែកជាមួយ និងថតរូបជាមួយ មុនពេលបញ្ចប់ការសម្ដែង ដើម្បីទុកជាអនុស្សាវរីយ៍។

ថៅកែក្លឹបកម្សាន្ត Empire Clup អ្នកស្រីដាណាបានមានប្រសាសន៍ថាតារាល្បីល្បាញរបស់ថៃគឺលោក James មិនត្រឹមតែច្រៀងបទល្បីៗដែលនៅកម្ពុជាក៍មានអ្នកស្គាល់ប៉ុណ្ណោះទេ លោកក៍នឹងសម្ដែងសកម្មភាពសប្បាយៗពេញមួយរាត្រី ដើម្បីឲ្យផ្អើលក្លឹបEmpire Club ផងដែរ។ លោកស្រីថា ទីតាំងដែលទទួលលោកច្រៀងទាំងមូលត្រូវបានរៀបចំយ៉ាងពិសេស ដើម្បីឲ្យការប្រគំតន្ត្រីនៅយប់ថ្ងៃទី១៣ តុលា ឆ្នាំ២០១៧ ក្លាយជាព្រឹត្តិការណ៍ធំមួយសម្រាប់វត្តមានតារាល្បីរូបនេះ។ អ្វីដែលពិសេសទៅទៀត អ្នកស្រីថា កម្មវិធីដែលទទួលបានថវិកាពីវត្តមានរបស់លោក James ក៏ត្រូវបានក្លឹបទាំងមូលបឬងចែកមួយចំនួនទៅឲ្យកុមារកំព្រា នៅតាមអង្គការមួយចំនួនផងដែរ ដើម្បីញញាក់អារម្មណ៍មហាជនឲ្យមានការយកចិត្តទុកដាក់លើកុមារកំព្រា និងដើម្បីឲ្យក្លឹបរបស់អ្នកស្រី ក៏បានរួមចំណែកជួយដល់សង្គម។

អ្នកស្រីថា នេះមិនមែនជាលើកទី១ទេ ដែលអ្នកស្រីបានចំណាយដើមទុនខ្ពស់យកតារាល្បីៗរបស់ថៃ ឲ្យមកបង្ហាញខ្លួននៅកម្ពុជា ជាពិសេសនៅក្លឹប RCA មុនពេលអ្នកស្រីដំណើរក្លឹប Empire នៅចន្លោះផ្សារជេតកុងតឺណឺ និងកោះពេជ្រនោះ។ អ្នកស្រីក៏នឹងរៀបចំឲ្យមានអ្នកគាំទ្រស្វាគមន៍វត្តមានតារាល្បីរូបនេះ នៅយប់ថ្ងៃទី១៣ តុលា នោះដែរ៕