Post News Media ព័ត៌មានសិល្បៈ និងកម្សាន្ត ហេង កែវនីតា ន...

ហេង កែវនីតា និយាយពីប្រេនៗនៅកម្ពុជា

ចែកចាយបន្ត

នាពេលចុងក្រោយគេចាប់អារម្មណ៍ថា ប្រទេសកម្ពុជាមានវត្តមានក្រុមហ៊ុនប្រេនៗកាន់តែលេចឡើង ដោយក្រុមហ៊ុនខ្លះក៏ហ៊ានបោះទុនក្នុងដើមទុនមួយខ្ពស់ដើម្បីទាក់ទាញទីផ្សារនោះផងដែរ។ យ៉ាងណាមិញ បណ្ដាក្រុមហ៊ុន និងអាជីវកម្មភាគច្រើនក៏មិនមានការទទួលស្គាល់នោះផងដែរ បើទោះជាបើកដំណើរការយូរឆ្នាំមកហើយដោយសារតែខ្វះការទទួលស្គាល់។

ពាក់ព័ន្ធនឹងបញ្ហានេះ កញ្ញា ហេង កែវនីតា ដែលត្រូវគេស្គាល់ថាជាពិធីការិនីលេចធ្លោររបស់ទូរទស្សន៍បាយ័ន បានលើកឡើងមួយចំនួនបន្ទាប់ពីមានការប្រកាសថាក្រុមហ៊ុនធំមួយរបស់ពិភពលោកបានប្រកាសខ្លួនចូលមកលើកស្ទួយក្រុមហ៊ុន និងអាជីវកម្មតូចធំនៅកម្ពុជា ដើម្បីឲ្យមុខជំនួញទាំងនោះក្លាយជារបស់ប្រេនៗលើឆាកអន្តរជាតិ។

កញ្ញា ហេង កែវនីតា និយាយថាកញ្ញាសប្បាយចិត្តយ៉ាងខ្លាំង ដែលកាលពីថ្ងៃទី១២ តុលា ក្រុមហ៊ុន Brands Alliance បានប្រកាសបង្ហាញខ្លួននៅក្នុងប្រទេសកម្ពុជា ដោយបានចាត់ទុកថាវត្តមានរបស់ក្រុមហ៊ុនមួយនេះនឹងធ្វើឲ្យមានការប្រែប្រួលទ្រង់ទ្រាយធំសម្រាប់មុខជំនួញ និងអាជីវកម្មនៅក្នុងប្រទេស។ កញ្ញានិយាយថាកញ្ញាបានស្គាល់ក្រុមហ៊ុន Brands Alliance តាមរយ:សារព័ត៌មាន និងបណ្ដាញហ្វេសប៊ុកជាយូរមកហើយ ដោយសារតែបណ្ដាក្រុមហ៊ុន និងសហគ្រាសដែលត្រូវបានចូលជាផ្នែករបស់ក្រុមហ៊ុនមួយនេះ គឺរមែងត្រូវបានកែប្រែទម្រង់ និងត្រូវបានផ្សព្វផ្សាយឲ្យមានការទទួលស្គាល់ជាអន្តរជាតិ។ កញ្ញាថាគឺជារឿងល្អមួយដែលក្រុមហ៊ុនប្រេនប្រេនដ៏ធំរបស់អន្តរជាតិបានបើកបង្ហាញខ្លួននៅក្នុងប្រទេសកម្ពុជាដែលមិនខុសពីជួយលើកកម្ពស់ផលិតផលក្នុងស្រុក និងបណ្ដាអាជីវកម្មដែលនៅមានកម្រិតនៅឡើយឲ្យមានស្ដង់ដារប្រកួតប្រជែងឡើងវិញ ទាំងនៅក្នុងស្រុក និងលើឆាកអន្តរជាតិ។

នាងបានប្រកាសថាវត្តមានរបស់ក្រុមហ៊ុនមួយនេះនៅកម្ពុជា បានធ្វើឲ្យកញ្ញាក៏មានមហិច្ឆតាបើកជំនួញផ្ទាល់ខ្លួនមួយក្នុងពេលដ៏ខ្លីបន្ថែមទៀតផងដែរ បន្ទាប់ពីនាងក៏មានជំនួញតូចមួយគឺមុខរបរលក់ទឹកត្រចៀកកាំមួយរយ:មកហើយ។ កញ្ញានិយាយថាជារឿងងាយស្រួលណាស់សម្រាប់ម្ចាស់អាជីវកម្មដែលចង់ឲ្យមានការឈានឡើងមិនថាអាជីវកម្មពាក់ព័ន្ធនឹងមុខម្ហូប សណ្ឋាគារ និងការកែច្នៃផលិតផលនានា គឺឲ្យតែបានភ្ជាប់ខ្លួននឹង Brands Alliance នោះនឹងក្លាយអាជីវកម្មឈានមុខដោយមិនពិបាកដោយសារតែក្រុមហ៊ុនមួយនេះ ជាក្រុមហ៊ុនប្រេនប្រេនដ៏ធំរបស់អន្តរជាតិ ហើយមានស្ដង់ដារគ្រប់គ្រាន់ក្នុងកែប្រែមុខអាជីវកម្មដែលបានសហការឲ្យមានកម្រិតទទួលស្គាល់។

លោក Hansel Hu អ្នកគ្រប់គ្រងជាន់ខ្ពស់ប្រចាំក្រុមហ៊ុនបានអះអាងថា នៅក្នុងអាជីវកម្មទាំំងអស់ បញ្ហាគុណភាពរបស់ផលិតផល និងសេវាកម្ម គឺជារឿងដ៏សំខាន់ ដោយកិត្តិយសនៃនិមិត្តសញ្ញា និងជាការឈរជើងរបស់អាជីវកម្មគឺរឿងមិនអាចខ្វះបាន។ លោកថាទីផ្សារអាជីវកម្មត្រូវការសំខាន់ណាស់ក្នុងការប្រកួតប្រជែង ហើយលោកនឹងរំពឹងថាក្រុមហ៊ុនប្រេនប្រេនមួយនេះ បន្ទាប់ពីបានឈរជើងនៅកម្ពុជាគឺពិតជាបានជួយឲ្យអាជីវកម្មភាគច្រើនទទួលបានជោគជ័យ៕