Post News Media ព័ត៌មានសិល្បៈ និងកម្សាន្ត ទម្លាយសំបុត្រ...

ទម្លាយសំបុត្រកំណើត ពេជ្រ ថៃ ក្រោយផ្ទុះព័ត៌មានឲ្យដកពាន The Voice Kids

ចែកចាយបន្ត

ក្រោយពីមានការតវ៉ារឿង កុមារា ពេជ្រ ថៃ ថាគេក្មេងក្រិនវ័យ១៦ឆ្នាំ តែបានកែប្រែអាយុដើម្បីចូលប្រលងកម្មវិធី The Voice Kids របស់ហង្សមាសនោះ បានធ្វើឲ្យមានប្រតិកម្មភ្លាមៗថានោះជាការបំផ្លើស ដោយភាគីខាងកុមារា ពេជ្រ ថៃ បានទាំងបញ្ចេញសំបុត្រកំណើត របស់ប្អូនជាសាធារណ:នោះផង ដើម្បីឲ្យប្រាកដថា ប្អូនប្រុស ពេជ្រ ថៃ ពិតជាមានអាយុត្រូវនឹងកម្មវិធី ហើយមិនមែនមានអាយុជិត១៦ឆ្នាំ ដូចការទម្លាយរបស់អ្នករស់នៅក្បែរខាង។ យ៉ាងណាមិញ គេមិនទាន់ដឹងថាក្រោយការទម្លាយសំបុត្រកំណើត តើនឹងធ្វើឲ្យព័ត៌មានជុំវិញការរិះគន់ ចំពោះកុមារារូបនេះ នឹងត្រូវបញ្ចប់ ឬយ៉ាងណានោះទេ។

យោងតាមសំបុត្រកំណើតដែលបានទម្លាយចេញ គឺកុមារា ពេជ្រ ថៃ កើតនៅថ្ងៃអង្គារ ទី២៤ ខែមីនា ក្នុងឆ្នាំ២០០៤ ដោយគិតមកដល់ពេលនេះ គេទើបតែមានអាយុពេញ១៣ឆ្នាំប៉ុន្មានខែប៉ុណ្ណោះ។ ប្អូនកើតនៅភូមិជ្រៃ ឃុំជ្រៃ ស្រុកមោងឫស្សី ក្នុងខេត្តបាត់ដំបង ដោយមានឪពុកឈ្ម ពេជ្រ សារ៉ាត់ និងមានម្ដាយឈ្មោះ សាំ គង់។ យោងតាមការបញ្ជាក់នៅក្នុងសំបុត្រកំណើតផ្លូវការនេះ គឺប្អូនមិនមានអាយុដល់១៦ឆ្នាំ ឬ១៥ជាង ដូចអ្វីដែលអ្នករស់នៅជិតខាងប្អូនបានលើកឡើងនោះទេ ប៉ុន្តែមជ្ឈដ្ឋានអ្នកដែលបានទម្លាយនៅតែសន្និដ្ឋានពេជ្រ ថៃ គឺក្មេងក្រិនដែលមានអាយុមិនដូចនឹងការចុះបញ្ជី នៅក្នុងសំបុត្រកំណើត ដោយសារតែសំបុត្រកំណើត ដែលគេបានចុះនោះ ទើបតែបានចុះ កាលពីឆ្នាំ២០១៥កន្លងទៅ ដែលអ្នករស់នៅជិតខាងរបស់ប្អូន នៅតែបន្តនិយាយសំបុត្រកំណើតនោះ គឺបានបន្ថយអាយុ។

ប្រភពដដែលបញ្ជាក់ថា ពេជ្រ ថៃ មិនមែនក្មេងអាយុ១២ ឬ១៣ឆ្នាំទេ ប៉ុន្តែឯកសារផ្លូវការពិតជាបានបញ្ជាក់ថា គេមានអាយុទើបតែ១៣ឆ្នាំអ៊ីចឹងមែន ដោយសារតែការចុះបញ្ជីកាលពីឆ្នាំ២០១៥នោះ គឺទំនងជាបានបន្ថយអាយុពិត ដើម្បីឲ្យសមនឹងរូបរាងក្រិនរបស់គេ។ មកទល់ពេលនេះចំណោទ ដែលបានលើកឡើងនៅតែកើតមានឡើង ជុំវិញការទម្លាយថាពេជ្រ ថៃ មិនមែនក្មេងអាយុតិច និងថាគេពិតជាក្មេងអាយុទើបតែ១៣ឆ្នាំប្រាកដមែន។

យ៉ាងណាមិញ ផ្អែកតាមការទម្លាយពីសំបុត្រកំណើតគឺប្អូនមិនអាចត្រូវបានដកពាន The Voice Kids តាមការទាមទារនោះទេ ដោយសារតែកម្មវិធីនេះ គឺតម្រូវលក្ខណ្ឌតាមឯកសារផ្លូវការតាមសំបុត្រកំណើត បើទោះជាភាពជាក់ស្ដែងគឺពេជ្រ ថៃ ត្រូវបានឪពុកម្ដាយបន្ថយអាយុ តាំងពីពេលចុះបញ្ជីសំបុត្រកំណើត ខុសពីអាយុពិតរបស់គេក៏ដោយ៕

ចែកចាយបន្ត