Post News Media ព័ត៌មានសិល្បៈ និងកម្សាន្ត ហេតុផល ពេជ្រ ...

ហេតុផល ពេជ្រ សូលីកា បន្តលាក់មុខ ក្រោយបទចម្រៀងជាមួយនីកូ ផ្ដើមកម្រើក

ចែកចាយបន្ត

ក្រោយពីចេញបង្ហោះMV បទ«លាក់បាំង»ដែលជាការបកស្រាយរួមគ្នារវាងតារាចម្រៀងលោក នី កូ និងតារាចម្រៀង ពេជ្រ សូលីកា បានធ្វើឲ្យអ្នកគាំទ្រមួយចំនួនមានការចាប់អារម្មណ៍យ៉ាងខ្លាំង ជាពិសេសបន្ទាប់ពីបទចម្រៀងនោះត្រូវបានគេដឹងថាជាបទបើកក្រោយការបាត់មុខច្រើនឆ្នាំរបស់ពេជ្រ សូលីកា។

ចម្រៀងមួយបទនេះបានធ្វើឲ្យអ្នកទាំង២រំពឹងយ៉ាងខ្លាំង ជាពិសេសគឺពេជ្រ សូលីកា ដោយផ្ទាល់ ដែលធ្លាប់ល្បីល្បាញមុនជំពប់ស្នេហាហើយបាត់មុខនោះ។

ចម្រៀងមួយបទនេះត្រូវបានថតជាចម្រៀងជាយូរមកហើយ គឺតាំងពីអំឡុងខែ៨ម្ល៉េះ តែទើបតែចេញMV ផ្លូវការកាលពីដើមខែធ្នូ ដោយមានគេចូលទស្សនាច្រើនដងក្នុងប៉ុន្មានថ្ងៃនេះ។ យ៉ាងណាមិញ បទ«លាក់បាំង»នៅមិនទាន់កន្ត្រាក់អ្នកស្ដាប់ក្នុងសន្ទុះខ្លាំងក្លានៅឡើយទេ ដោយសារតែពេជ្រ សូលីកា ក៏មិនទាន់បង្ហាញមុខចេញប្រូម៉ូតនៅលើកញ្ចក់ទូរទស្សន៍នៅឡើយ។

លោក នីកូ តែងអះអាងថាតារាចម្រៀងពេជ្រ សូលីកា នៅមានការងារច្រើនមិនទាន់មានឱកាសបង្ហាញមុខឡើងឆាក ទើបបទចម្រៀងមួយបទជាមួយលោកមិនទាន់អាចប្រូម៉ូតជាសាធារណ:។

ម្យ៉ាងមកពីនាងនៅចង់ស្ទាបស្ទង់នៅឡើយ និងចង់សម្ងំផលិតបទរួមគ្នាឲ្យបានច្រើនបន្តិចសិន ទើបមិនទាន់ចេញបង្ហាញមុខ។ វត្តមានចាប់ដៃជាមួយពេជ្រ សូលីកា ធ្វើឲ្យលោកនីកូ រំពឹងខ្លាំងថានឹងធ្វើឲ្យអាជីពចម្រៀងរបស់លោកមានការចាប់អារម្មណ៍ បើទោះជាអ្នកទាំង២មិនចូលជ្រកក្នុងផលិតកម្មណាមួយ។

មិនខុសពីការអះអាងថារបស់លោកនីកូ តារាចម្រៀងពេជ្រ សូលីកា នឹងមិនពិបាកក្លាយជាតារាដែលមានឈ្មោះបោះសំឡេងជាថ្មីនោះទេ ក្នុងពេលដែលការវិលត្រឡប់វិញរបស់លោកលើកនេះ គឺទើបតែលងបានមួយបទជាមួយលោកនីកូនៅឡើយ ក៏ធ្វើឲ្យមានការទន្ទឹងរង់ចាំការបង្ហាញខ្លួនរបស់នាងបាត់ទៅហើយ។

ថ្វីដ្បិតថាចម្រៀងរបស់នាងមិនទាន់ត្រូវបានម្ចាស់បទចេញមកប្រូម៉ូតដោយផ្ទាល់ ប៉ុន្តែបានធ្វើឲ្យគេស្គាល់បទនេះច្រើនបាត់ទៅហើយ ។ ក្នុងនោះបទចម្រៀងរបស់នាងច្រៀងម្នាក់ឯងក្រោមចំណងជើងថា«ថ្វាយបងឲ្យគេ»ដែលទើបចេញបង្ហោះក្រោយពេលនាងវិលចូលអាជីពចម្រៀងវិញ ក៏ទាក់ទាញអ្នកគាំទ្រមិនតិចផងដែរ។ មានការអះអាងថា ពេជ្រ សូលីកា នឹងប្រើយុទ្ធសាស្រ្តបញ្ចេញបទចម្រៀងរហូតទាល់តែកេរ្តិ៍ឈ្មោះរបស់នាងកំរើកបានខ្លាំងទើបនាងចេញច្រៀងលើឆាក ដើម្បីកុំឲ្យការបង្ហាញខ្លួនរបស់នាងនៅក្នុងពិភពសិល្ប:ចុះខ្សោយធៀបនឹងអតីតកាល៕

ចែកចាយបន្ត