Post News Media ព័ត៌មានសិល្បៈ និងកម្សាន្ត ត្រឹមសម្ដីប៉ុ...

ត្រឹមសម្ដីប៉ុន្មានម៉ាត់សោះ លឹម មួយហ្គិច ឈានដល់ការប្ដូរឈ្មោះ!

ចែកចាយបន្ត

ក្នុងជំនួបដោយផ្ទាល់ក្នុងពិធីក្រុងពាលីរឿង«ដួងច័ន្ទ ដួងចិត្ត» តារាសម្ដែងវ័យក្មេង ដែលត្រូវគេស្គាល់ថាជំនាញខាងសម្ដែងឆ្នាស់ឆ្នើម និងស៊ិចស៊ី គឺ កញ្ញា លឹម មួយហ្គិច បានស្នើឲ្យតារាសម្ដែង ផលិតករ និងអ្នកកាសែតដែលបានជួបនាង ជួយហៅនាងថា ស្រីកែវ ដែលឈ្មោះនេះគឺខុសទាំងស្រុង ពីឈ្មោះដែលគេធ្លាប់ហៅនាង។ មានមូលហេតុធំមួយ ដែលធ្វើឲ្យនាងសម្រេចចិត្តត្រូវតែដាក់ឈ្មោះថ្មីនោះ ដោយនាងបញ្ជាក់ថា បើមិនប្ដូរឈ្មោះចាស់ទេ គឺនាងពិតជាមិនដល់គោលដៅ។

កញ្ញា លឹម មួយហ្គិច បានអះអាងថា ចាប់ពីពេលនេះតទៅ នាងមហាជន និងអ្នកនៅជុំវិញខ្លួន ហៅនាងថា «បូជនីកែវ ឬ ស្រីកែវ» ដោយសារតែមុននេះបន្តិចមានព្រះសង្ឃមួយអង្គបានស្នើឲ្យនាងដាក់ឈ្មោះនេះវិញ បើទោះជាទម្រង់មុខរបស់នាងត្រូវគេមើលឃើញថាមានភ្នែកតឹងៗ និងទម្រង់បែបកាត់ចិន សមនឹងឈ្មោះមួយហ្គិច ដែលនាងបានប្រើ។

នាងថាឈ្មោះកំណើត នាងមិនលុបចោលទេ ដោយសារតែមានការកំណត់នៅក្នុងឯកសារផ្លូវការរួចអស់ទៅហើយ តែនាងនឹងកំណត់ឈ្មោះហៅក្រៅថាស្រីកែវ ឲ្យបានទូលំទូលាយ ដើម្បីឲ្យដូចនឹងការទស្សន៍ទាយរបស់ព្រះសង្ឃ ដែលស្នើឲ្យនាងត្រូវតែប្រើឈ្មោះថ្មីនោះ។ នាងមានអ្នកទស្សន៍ទាយឲ្យនាងច្រើននាក់មកហើយ គឺមិនមែត្រឹមតែព្រះសង្ឃដែលបានតម្រូវឲ្យនាងប្ដូរឈ្មោះនោះទេ ហើយបណ្ដាលមកពីការលើកឡើងរបស់ព្រះអង្គគឺត្រូវភាគច្រើន ទើបនាងសម្រេចចិត្តដាក់ឈ្មោះហៅក្រៅថាស្រីកែវៗតែម្ដង ដើម្បីគេចផុតពីការលុបឈ្មោះចាស់ ដែលតម្រូវឲ្យដូរឯកសារច្រើនផ្នែក ហើយមានភាពស្មុគស្មាញ។

នាងសម្រេចឲ្យអ្នកសិល្ប: ហៅនាងថាស្រីកែវ ដោយស្នើមិនឲ្យបន្តហៅឈ្មោះចាស់ទៀតទេ ដោយសារតែតាមបណ្ដាំព្រះសង្ឃ លោកថាឈ្មោះចាស់គឺពិបាកជោគជ័យក្នុងកិច្ចការងារ ជាពិសេសគឺការងារសិល្ប:តែម្ដង។ នាងបានពន្យល់ថារយ:ពេលចុងក្រោយ នាងបានថតរឿងមិនក្រោម១០រឿងនោះទេ ដោយការងារជាពិធីការិនីក៏មានច្រើនដែរ នៅគ្រប់កម្មវិធីជិតឆ្ងាយ ប៉ុន្តែមានមនុស្សតិចណាស់ដែលបានកត់សម្គាល់ពីការរីកចម្រើនរបស់នាងនៅក្នុងសិល្ប: រហូតសឹងនឹងធ្វើឲ្យនាងមានភាពអស់សង្ឃឹមនោះផង ជាពិសេសក្នុងពេលដែលខំតស៊ូប្រឡូកសិល្ប:យ៉ាងសកម្មមកហើយនៅតែមិនទាន់ដល់គោលដៅ។

នាងថា ព្រះសង្ឃបានកំណត់ឲ្យនាងដាក់ឈ្មោះថាស្រីកែវ បើនាងចង់បានជោគជ័យនៅក្នុងសិល្ប: និងចង់ឲ្យមានការរីកចម្រើននៅក្នុងជីវិត អ៉ីចឹងហើយទើបនាងសម្រេចចិត្តបន្ថែមឈ្មោះថ្មី ដោយធីបទុកឈ្មោះចាស់សម្រាប់ប្រើតែក្នុងការសិក្សា និងការងារខាងក្រៅប៉ុណ្ណោះ ចំណែកនៅក្នុងសិល្ប:គឺនាងនឹងដាក់ឈ្មោះស្រីកែវ តាមសង្ឃដីការបស់ព្រះសង្ឃ ដោយសារតែនាងក៏ជឿជាក់ថាការសម្រេចយកឈ្មោះថ្មីគឺពិតជាធ្វើឲ្យនាងឈានឡើងនៅក្នុងសិល្ប:។

លឹម មួយហ្គិច ហៅស្រីកែវ និយាយថា ក្រៅពីការងារសិល្ប: នាងក៏ខំស្រវាស្រទិញក្នុងមុខជំនួញលក់សម្លៀកបំពាក់យកមកទប់នឹងការចំណាយក្នុងការងារសិល្ប:ផងដែរ ទើបនាងត្រូវគេឃើញមានភាពហ៊ឺហារឡូយឆាយ បើធៀបនឹងតារាសម្ដែងផ្សេងទៀត ។ នាងអះអាងថាភាពមានបានរបស់នាង មិនមានការជ្រោមជ្រែងពីអ្នកមានណាទេ ហើយនាងក៏មិនខ្វល់នោះដែរ ក្នុងពេលដែលនាងក៏មានទីផ្សារផ្នែកសិល្ប:ឈានឡើង ហើយក៏មានមុខជំនួញក្នុងដៃដែលមិនពិបាករឿងចំណូល។ នាងថាមកពីនាងមិនចង់ស្អុយឈ្មោះក្នុងរឿងមានអ្នកចិញ្ចឹមនោះហើយ ទើបនាងសម្រេចចិត្តដាក់ឈ្មោះថាស្រីកែវ ដើម្បីឲ្យមានរាសី និងជោគជ័យក្នុងជីវិត៕

ចែកចាយបន្ត