Post News Media ព័ត៌មានសិល្បៈ និងកម្សាន្ត រូបភាពសំពះផ្ទ...

រូបភាពសំពះផ្ទឹម ឈួន ពន្លឺ និង នាង វ៉ាងសាន់ បង្កការភ្ញាក់ផ្អើល!

ចែកចាយបន្ត

មានការភ្ញាក់ផ្អើលយ៉ាងខ្លាំង បន្ទាប់ពីរូបភាពចងដៃសំពះផ្ទឹមរបស់តារាសម្ដែងពីរដួង គឺលោក ឈួន ពន្លឺ និងលោក នាង វ៉ាងសាន់ ដែលជាពិធីករ ត្រូវគេឃើញបង្ហោះឡើងជាសាធារណ: ស្របគ្នាដែលអ្នកទាំងពីរក៏ជិតស្និទ្ធគ្នា ធ្វើឲ្យមានមន្ទិលស្របគ្នា ដែលភាគីម្ខាងក៏មានដំណឹងបាក់បែកស្នេហ៍ ហើយភាគីម្ខាងក៏មានមិនដែលបង្ហើបឲ្យដឹងពីស្នេហាផងដែរ។

តារាសិល្ប:ជាច្រើន បានស្រឡាំងនឹងរូបភាពសំពះផ្ទឹមរបស់អ្នកទាំងពីរ ដោយអ្នកទាំងនោះបានទាំងហៅរូបភាពដែលបានស្ដែងឡើងថា ជាការធ្វើឲ្យប៉ះពាល់ដល់កេរ្តិ៍ឈ្មោះរបស់អ្នកទាំងពីរ ឬអាចជាការចង់បានរបស់អ្នកទាំងពីរនោះផង។ ក្រោយការបង្ហោះរូបជាសាធារណ: ការចំអន់ជុំវិញថាអ្នកទាំងពីរទំនងជាមានទំនងមិនប្រក្រតីត្រូវបានលេចឡើង បន្ទាប់ពីលោក ឈួន ពន្លឺ ក៏ទើបមានដំណឹងថាបែកបាក់ជាមួយសោភា ទេពី ក្នុងពេលដែលលោកប្រកាសថានឹងធីបចោលមនុស្សស្រីមួយរយ: ហើយលោកនាង វ៉ាងសាន់ ឯណោះវិញ ក៏មិនដែលជិតស្និទ្ធជាមួយនារីណាម្នាក់ទាល់តែសោះ ក្រៅតែពីស្និទ្ធស្នាលជាមួយលោកឈួន ពន្លឺ តាំងពីលោកមិនទាន់បែកបាក់ស្នេហា។

បើទោះជារូបភាពសំពះផ្ទឹមនោះត្រូវគេដឹងថាគ្រាន់តែការបង្ហាញពីការចាប់ដៃគ្នាបើកជំនួញ តែម្នាក់ៗនៅតែចាត់ទុកថាទិដ្ឋភាពនេះមិនខុសពីពិធីសែនព្រែន ឬរៀបការ រវាងមនុស្សពីរនាក់ ស្របគ្នាដំណឹងភ្ជាប់ស្នេហ៍ដោយបើកចំហររបស់បុរស និងបុរស ក៏មានការកាន់តែច្រើន។

លោក នាង វ៉ាងសាន់ បានអះអាងថាទិដ្ឋភាពចង់ដៃ សំពះផ្ទឹមដែលបានកើតឡើង គឺជាតម្រូវរបស់លោកអាចារ្យ ក្នុងពេលដែលលោក និងលោកឈួន ពន្លឺ បានពិធីសូត្រមន្តដំឡើងហាងរួមគ្នា ដើម្បីលើករាសីប៉ុណ្ណោះ។ លោកថាលោកអាចារ្យ បានតម្រូវឲ្យលោក និងដៃគូជំនួញត្រូវធ្វើបែបហ្នឹង ដោយលោកមិនបានដឹងថានោះជារូបភាពនោះធ្វើឲ្យប៉ះពាល់ចំពោះលោកនោះទេ។ លោកថារវាងលោក និងលោក ឈួន ពន្លឺ បើទោះជាមានការយល់ឃើញបែបណា ក៏នៅតែអះអាងថា រវាងលោក និងដៃគូមិនអាចក្លាយជាតារាស្រឡាញ់ភេទដូចគ្នានោះទេ ដោយសារតែលោក និងលោក ឈួន ពន្លឺ គឺទោះស្ថិតកាល:ទេស:បែបណា ក៏មិនអាចស្រឡាញ់ភេទដូចគ្នា។

លោកឈួន ពន្លឺ បានអះអាងថា លោក និងលោក នាង វ៉ាងសាន់ បានបើកភោជនីយដ្ឋានរួមគ្នា ដោយបានទាំងផ្គុំឈ្មោះទាំងពីរចូលគ្នាថា«ភោជនីដ្ឋានសាន់ឡាយ» នោះផង ទើបក្នុងពេលសូត្រមន្តឡើងហាងកាលពីថ្ងៃទី១៣ កុម្ភ: មានការតម្រូវពីលោកអាចារ្យឲ្យសំពះផ្ទះ និងចងដៃដូចជាគូស្នេហ៍ជាមួយគ្នា។ លោកអះអាងថាមិនខ្វល់ពីការប៉ាន់ស្មាន ឬការវាយតម្លៃណាមួយដែលគ្មានការពិតនោះទេ ដោយលោកក៏មិនខ្វល់ពីការចំអន់ថារវាងលោក និងគូជំនួញទំនងមានរឿងស្រឡាញ់ភេទដូចគ្នា តាមរយ:ការបង្ហោះរូបភាពសំពះផ្ទះដែលបានលេចឡើងនោះផង។

ចែកចាយបន្ត