(ភ្នំពេញ)៖ តារាសម្តែង និងជាតារាបង្ហាញម៉ូតល្បីឈ្មោះ កញ្ញា ទឹម រដ្ឋា បានទម្លាយថា តាមគម្រោង ថ្ងៃរៀបចំពិធីមង្គលការរបស់នាង គឺចំថ្ងៃទី២២.០២.២០២២ ក៏ប៉ុន្តែត្រូវបានលើកទៅពេលក្រោយ។ ទោះជាបែបនេះក្តី កញ្ញា ទឹម រដ្ឋា បានបង្ហាញថា ថ្ងៃខែពិតប្រាកដនឹងមកដល់ឆាប់ៗផងដែរ។

កញ្ញា ទឹម រដ្ឋា បានបង្ហោះរូបថត Pre-Wedding ពីរសន្លឹក ភ្ជាប់ជាមួយនឹងពាក្យថា «ការពិតទៅ គម្រោងថ្ងៃរៀបការរបស់យើងទាំងពីរគឺថ្ងៃនេះ។ ២២២២០២២ ប៉ុន្តែដោយមានការផ្លាស់ប្ដូរ ចឹងសុំ Post រូបថតរៀបការ ក្នុងថ្ងៃមហាល្អឆ្នាំល្អ។តែថ្ងៃពិតប្រាកដនិងមកដល់ឆាប់ៗ ទោះក្នុងកាលះទេសះណាក៏ដោយ»។

ជាការពិតណាស់ កញ្ញា ទឹម រដ្ឋា និងគូស្នេហ៍ត្រូវបានដឹងថា បានស្វែងយល់ចិត្តគ្នាអស់រយៈពេលជាយូរខែឆ្នាំមកហើយ ខណៈអ្នកសិល្បៈរួមអាជីពជាបន្តបន្ទាប់ចូលរោងការបណ្តើរៗនោះ ក៏មានអ្នកគាំទ្រមិនតិចនោះទេ ចង់ឲ្យនាងចូលរោងការឆាប់ៗ។ ការដំណឹងចូលរោងការរបស់នាង នៅពេលនេះ គឺជាអ្វីដែលអ្នកគាំទ្រ និងមិត្តរួមសិល្បៈរងចាំជាយូរផងដែរ៕