អតីត​តារាសិច​នាង Kim Kardashian បានជិះយន្តហោះ​ ទៅកាន់បារាំង តាមរយៈជើងហោះហើរ​ឯកជនមួយ បន្ទាប់មកក៏មានបុរសបិទមុខ កាន់កាំភ្លើង លួចយកគ្រឿង​អលង្ការរបស់នាង ដែល​គេជឿថា មានតម្លៃ ១២លាន​ផោន ។​
សកម្មភាពប្លន់នេះ ធ្វើឡើងដោយ​បុរស​ ៥នាក់ ដោយបន្លំខ្លួន ជាមន្ត្រីប៉ូលិស ដោយបានចង Kim Kardashian និងចាក់ចោរទុកក្នុងបន្ទប់ទឹក ក្នុងវីឡាដ៏ប្រណីតមួយ​។​

យោងតាមប្រភពព័ត៌មាន Mail Online បានឲ្យដឹងថា ក្នុងប្រអប់គ្រឿង​អលង្ការនោះ មានតម្លៃ ៦,៧ លាន​ដុល្លារ​អាម៉េរិក និង ចិញ្ចៀន មានតម្លៃ ៤,៥ លាន​ដុល្លារអាម៉េរិក ។ ក្នុងនោះ នាងក៏បាត់ស្មាតហ្វូន ដែលមានព័ត៌មាន និង​រូបភាពជាច្រើនរបស់នាង​។​
Mail Online បានសរុបទឹកប្រាក់គឺ ១៦ លានដុល្លារ​អាម៉េរិក ។​

អ្នកនាំពាក្យ Kim Kardashian បានឲ្យដឹងថា នាង​មិនមានរបួស​អ្វីនោះទេ ក្នុងហេតុការណ៍ នៅយប់​ថ្ងៃ​អាទិត្យ​នោះ ។​
ខណៈដែល​ លោក Kanye West បានសម្តែង​ក្នុងពិធី​មហាស្រពសិល្បៈ នៅទីក្រុង​ញ៉ូវយ៉ក កាលពីថ្ងៃអង្គារ ដោយ​អំឡុងពេលនោះ លោក​បាន​ព្យាយាមប្រញាប់ប្រញាល់បញ្ចប់កម្មវិធីខ្លួន ដោយប្រាប់ទៅអ្នកគាំទ្រថា លោកត្រូវ​ទៅសង្គ្រោះក្រុមគ្រួសារបន្ទាន់។

បញ្ជាក់ផងដែរថា Kim Kardashian ហោះទៅបារាំង ដើម្បីចូលរួមសម្តែង ក្នុងកម្មវិធី Paris Fashion Week ជាមួយម្តាយនាង លោកស្រី Kris Jenner ប្អូនស្រី Kourtney Kardashian និង​ Kendall Jenner៕​