Post News Media ព័ត៌មានសិល្បៈ និងកម្សាន្ត ឌុច លីដា ថា​ ...

ឌុច លីដា ថា​ ចង់​ឲ្យសិល្ប:ខ្មែរ ​លូតលាស់ទៅមុខ​ ទាល់តែលះបង់​

ចែកចាយបន្ត

តារាស្រីដែលហ៊ានទទួលថតឈុតស្រាត ឌុច លីដា បានអះអាងថា វិស័យសិល្ប:ខ្មែរ ចង់ឲ្យរីកលូតលាស់ទៅមុខ ទាល់តែយើងហ៊ានលះបង់ ។

ថ្លែងក្នុងពិធីសម្ពោធភាពយន្ត «នារីវេទមន្ត» នៅផ្សារទំនើបអ៊ីអន នាថ្ងៃទី៥ ខែតុលា ឆ្នាំ២០១៦ ឌុច លីដា តារាស្រីទី១ ហ៊ានទទួលយកឈុតស្រាត បានធ្វើការបដិសេធឆ្លើយម្តងហើយម្តងទៀត ដោយជំរុញឲ្យអ្នកអ្នកកាសែត និងទស្សនិកជនចូលមើលខ្លួនឯងថា ពិតជាស្រាត ឬយ៉ាងណា?

ភាពយន្ត «នារីវេទមន្ត» នេះជាភាពយន្តមួយ ដែលបង្កប់នូវការថតឈុតស្រាត របស់ ឌុច លីដា ដែលជាប្រធានបទមួយ ធ្វើឲ្យអ្នកលេងបណ្តាញសង្គមហ្វេសប៊ុក កំពុងចាប់អារម្មណ៍ ដោយចង់ដឹង ចង់ឃើញពីលទ្ធផលចុងក្រោយ ខណ:ដែលមានការផ្ទុះរិះគន់ថា នាងកំពុងបំពានទំនៀមទំលាប់ខ្មែរ។

ឌុច លីដា ថា «នៅពេលដែលខ្ញុំថតឈុតនេះ ខ្ញុំជឿថាមានការិះគន់ ប៉ុន្តែដូចគ្នានេះដែរ ក៏មានការគាំទ្រសម្រាប់នាងខ្ញុំ ហើយអ្នកគាំទ្រក៏គាត់ដឹងដែរថា វិស័យសិល្ប:ខ្មែរ ដើម្បីចង់ឲ្យរីករាលដាល ទៅមុខ ដោយការងារខ្លះយើងហ៊ានលះបង់ ទាំងចិត្តទាំងកាយ»

តារាស្រីខាងលើ បានធ្វើការបញ្ជាក់ថា យើងធ្វើវាដូចមែនទែន តែវាមិនមែន មែនទែននោះទេ ដោយធ្វើវាជាលក្ខណ:សិល្ប: មិនមែនធ្វើវាក្នុងន័យអាសអាភាសនោះទេ។

នេះអាចធ្វើការសន្និដ្ឋានថា ឌុច លីដា មិនបានស្រាតនោះទេ ក្នុងភាពយន្ត «នារីវេទមន្ត» ខណ:ដែលប្រភពច្បាស់ការកន្លងទៅបានបញ្ជាក់ថា ឈុតនោះបានប្រើប្រាស់តួជំនួស និងបច្ចេកទេសតែប៉ុណ្ណោះ៕

duch-lida-1

duch-lida-2

duch-lida-3

duch-lida-4

duch-lida-5