Post News Media ព័ត៌មានសិល្បៈ និងកម្សាន្ត សាត រស្មី៖ អ្...

សាត រស្មី៖ អ្នកថ្មី​មិនខ្វល់ពីរឿង​អតីត​ខ្ញុំ​

ចែកចាយបន្ត

អតីតប្រពន្ធ កីឡាករ ជៀស ស្រួច បានធ្វើការអះអាងថា សម្រាប់កំណាន់ចិត្តថ្មីរបស់នាង មិនខ្វល់ពីរឿងអតីតកាលនាងឡើយ ព្រោះអ្វីៗគ្រប់យ៉ាងគេដឹងដូចគ្នា ហើយសម្រាប់នាងលែងខ្វល់រឿងនេះ តាំងពី ១០ឆ្នាំមុនម្លេះ។

នេះគឺជាលើកទី១ហើយ ដែល តារាសម្តែងសាច់សខ្ចីដូចត្រកួនឈ្លក់ទឹកខែវស្សា សាត រស្មី បានបង្ហាញវត្តមានក្នុងតួឯក ជារឿងដុំ របស់ផលិតកម្ម អិលឌី បន្ទាប់ពីមានរឿងអាស្រូវ ជាមួយអតីតស្វាមី ជាអ្នកប្រដាល់នោះ ។

sat-raksmey

សាត រស្មីថា «សម្រាប់រឿងអាស្រូវនោះ និយាយរួមខ្ញុំអត់ខ្វល់ផង ព្រោះរឿងនោះ មិនមែនជារឿងឥឡូវ តាំងពី១០ឆ្នាំមុន ហើយក៏ខ្ជិលខ្វល់ព្រោះ រឿងអត់ប្រយោជន៍ »
«មកទល់នឹងពេលនេះ ខ្ញុំបានរកអ្នកស្អំបេះដូង បានជាង ១ឆ្នាំ ហើយគេដឹងរឿងនេះដែរ គេអត់ប្រកាន់នោះទេ» ។ នេះជាសម្តីរបស់ សាត រស្មី បានបន្ថែម។

សម្រាប់បុរសជិះសេះស មកស្អំបេះដូង សាត រស្មី ត្រូវបានគេស្គាល់ថា ជាអណិកជន នៅអាម៉េរិក តែបុរសក្នុងចិត្តនាង ធ្វើការអ្វី ឲ្យប្រាកដនោះ នាងបានច្រានចោលសូមមិននិយាយ៕
សម្ភោធរឿង

សម្ភោធរឿង

សម្ភោធរឿង