Post News Media ព័ត៌មានសិល្បៈ និងកម្សាន្ត ស្ថាន​ទូ​ត​​​...

ស្ថាន​ទូ​ត​​​អា​​មេ​រិក​មិ​នផ្តល់ទិដ្ឋាការដល់ ហេង ចន្ថា ខ្លាច​នាង​មិនវិលវិញ​

ចែកចាយបន្ត

បវរកញ្ញាតំណាងឲ្យកម្ពុជា កញ្ញា ហេង ចន្ថា ត្រូវបានស្ថានកុងស៊ុលនៃស្ថានទូតសហរដ្ឋអាមេរិចប្រចាំព្រះរាជាណាចក្រកម្ពុជា ធ្វើការបដិសេធដោយមិនផ្តល់ទិដ្ឋាការជាលើកទី២ មិនឲ្យនាងទៅប្រកួត បវរកញ្ញាអន្តរជាតិនៅអាម៉េរិក ។

ហេង ចន្ថា បានសរសេរនៅលើផេក ក៏ដូចជាគណនីហ្វេសប៊ុកនាង នៅមុននេះនេះបន្តិចថា សូមជម្រាបជូនប្រិយមិត្ត និងអ្នកគាំទ្រចំពោះ MGC គ្រប់ៗរូប នាងខ្ញុំទើបតែចេញពីស្ថានកុងស៊ុលនៃស្ថានទូតសហរដ្ឋអាមេរិចប្រចាំព្រះរាជាណាចក្រកម្ពុជានាងខ្ញុំបានជួបសម្ភាសន៍ជាមួយមន្ត្រីកុងស៊ុលអាមេរិច ជានារី ព្រមទាំងបុរសជាជនជាតិខ្មែរ ជាអ្នកបកប្រែ។

បវរកញ្ញាខាងលើ បានបន្តថា មន្ត្រីកុងស៊ុល បានចោទសួរនៅសំនួរដដែលដូចកាលពីលើកទី១ដែលនាងខ្ញុំចូលសម្ភាសន៍ មន្ត្រីទូតដែលជាអ្នកបកប្រែបានបញ្ជាក់ឲ្យនាងខ្ញុំដឹងថា គេបារម្ភខ្លាចផ្តល់ទិដ្ឋាការដល់នាងខ្ញុំ ហើយពេលទៅដល់សហរដ្ឋអាមេរិចបានចូលរួមកម្មវិធីប្រកួតរួចរាល់ នាងខ្ញុំនឹងមិនវិលត្រឡប់មកកាន់មាតុភូមិកំនើតវិញ។

«នាងខ្ញុំពិតជាតូចចិត្តដែលក្នុងនាមជាប្រជាពលរដ្ឋកម្ពុជា១រូប ជាបេក្ខនារីតំណាងកម្ពុជា ចូលរួមក្នុងកម្មវិធីប្រកួតកម្រិតអន្តរជាតិ ប៉ុន្តែត្រូវបានបដិសេធមិនឲ្យទៅ។ កម្មវិធីប្រកួតបានចាប់ផ្តើម ក្រុមការងារបានត្រៀមលក្ខណ:ទាំងសម្លៀកប្រចាំជាតិ ក៏ដូចជាឈុតរាត្រីសមោសរដ៏ស្រស់ស្អាត ប៉ុន្តែនាងខ្ញុំពុំមានឱកាសបានស្លៀកពាក់ទៅវិញ»។ នេះជាការរ៉ាយរ៉ាប់របស់ហេង ចន្ថា នៅលើទំព័រហ្វេសប៊ុករបស់នាង។

សរសេរលាយឡំភាពឈឺចាប់បរវកញ្ញាតំណាងកម្ពុជា បានបន្តទៀតថា នេះគឺជាការប្រមាថមួយដ៏ឆ្ងន់ធ្ងរ ជាការបន្ទាបតម្លៃនៃការតាំងចិត្ត ក៏ដូចជាខិតខំប្រឹងប្រែងនៃនាងខ្ញុំផ្ទាល់ ក៏ដូចជាក្រុមការងារ គេមិនផ្តល់តម្លៃដល់យើងសោះឡើយ ចុងបញ្ចប់នៃកិច្ចសម្ភាសន៍មន្ត្រីកុងស៊ុលនារីបានតបមកកាន់នាងខ្ញុំនូវចម្លើយដ៏ឈឺចាប់ថា “ Sorry, I don’t give you “
គ្មានអ្វីនឹងថ្លែងក្រៅពីទទួលយកនូវលទ្ធផលបដិសេធនេះ នាងខ្ញុំសូមអភ័យទោសចំពោះបញ្ហាដែលបានកើតឡើង ដែលបានធ្វើឲ្យប្រជាជនកម្ពុជាខកចិត្ត។ សូមថ្លែងអំណរគុណចំពោះស្ថានទូតសហរដ្ឋអាមេរិចដែលអនុញ្ញាតឲ្យនាងខ្ញុំចូលសម្ភាសន៍ជាលើកទី២ ។សូមគោរពជូនពរលោកអ្នកប្រិយមិត្តគ្រប់ៗរូប ៕

heng-chantha